موش شوية

موش اشويه؛؛؛كل يوم جثه ع الوطا مرمية؛؛؛اللي صارلك يا وطن موش اشويه؛؛؛كل يوم قتل وموت؛؛؛وصوت الرصاصة فيك أعلى صوت ؛؛؛بين الكفن واللحد والتابوت؛؛؛راحوا شبابك كلهم جملية؛؛؛القتل عادي فيك بين الخوت؛؛؛ايجوز ف الشريعه خي يقتل خيه!؛؛؛ايجوز المدافع يردمن البيوت!؛؛؛كل يوم نار وقصف مدفعية؛؛؛موش اشويه؛؛؛كل يوم جثه ع الوطا مرمية؛؛؛اللي صارلك ياوطن؛؛؛كل يوم اقتال؛؛؛وكل يوم نار وضرب واغتيال ؛؛؛اللي صارلك يا وطن مو ع البال؛؛؛بين العرب ما عاد في حنيه؛؛؛كل يوم المدافع دايره زلزال ؛؛؛كل يوم الضحايا ف احدود المية؛؛؛ادموع الصبايا دايره شلال ؛؛؛علي حالتك يبكن بقلب ونية؛؛؛ايريدن الحال ايكون غير الحال ؛؛؛ايريدن حياه تبقى حياه هنية؛؛؛موش اشويه ؛؛؛كل يوم جثه ع الوطا مرمية؛؛؛اللي صارلك يا وطن