أوباما أكل الجبنة !

موقف أوباما هذه الأيام لا يحسد عليه أحد.. فمن أول رئيس "ملون" في أمريكا إلى أول رئيس يأكل شتيمة أد عدد الساعات اللي قضاها في الحكم من الأمريكان ومن غيرهم..

أوباما الذي أصبح الآن محكي العالم كله بعد الأزمة الاقتصادية الضخمة اللي بتمر بيها أمريكا واللي تقريبا بتعلن إفلاسها وقفلت كل الحدائق العامة وحتي تمثال الحرية قفلوه لأن ما عندهمش فلوس يقبضوا الموظفين اللي فيه.

أوباما الذي ناصر "أول رئيس مدني منتخب" في مصر وبعدها أصبح أول رئيس مدني "مبتذل" في مصر، وكان مصدرا أساسيا للنحس الأزلي في كل حتة في مصر..

دلوقتي أعتقد أن الصورة أصبحت أوضح..
أوباما يقف جمب مرسي "يتخلع".
أوباما أول رئيس "ملون" أمريكا تفلس.

أوباما شكله هو اللي نحس يا مرسي وإحنا ظلمناك ويجب إعادة التفكير في السؤال الشهير مين اللي أكل الجبنة.. لأنه ربما نجد الإجابة أن "أوباما " هو اللي أكل الجبنة" !