هلوسات ليبي ..

هلوسات ليبي ..
السبت 2013.11.02
شن صار ( ماذا حدث )
شن صار في المكافاة المجزية متاع المقريف ؟؟
شن صار في ال50 سيارة عسكرية اللي انخنبت من مجمع مليتة ؟؟؟
شن صار في شهداء البوخة ؟؟ وشن صار في اللي شدوهم بسبلتها !!!
شن صار في طلبة الشرطة اللي بعثوهم للأردن على شان يتمرنوا وكلوا طريحة ولزوهم !!؟؟
شن صار في سفير ليبيا في اليونان اللي قالوا لقينا في مكتبه صور واعلام !!!
شن صار في اللي شدوهم بحجة قتل شهداء الجيش في بوابة وشتاته !!!
شن صار في رشوة زيدان للجظران !!!
شن صار في قضية خطف زيدان !!!
شن صار في ناكر وبدلته المموهة !!!
شن صار في الروسية اللي شدوها في سوق الجمعة !!!
شن صار في علاوة العائلة متاع النص الثاني للسنة !!!
شن صار في ابو أنس الليبي وابو زيدان الالماني !!!
شن صار في تزويق سيارات الشرطة وتغيير لونها الاحمر !!!
شن صار في الرفاهية والحرية والديمقراطية !!
شن صار في الدافلة والسكير والراشي متاعين المعتمر !!!!
شن صار في الدولار اللي ب 30 قرش !!!
شن صار في البنية التحتية !!
شن صار في التشادية اللي يقتلوا من 3 سنين وشدوهم توة !!!!!!!!!!!!!!!!!!
شن صار في اللي فجروا الاضرحة والزوايا الصوفية !!!
شن صار في أرفع راسك فوق انت ليبي حر !! نبي تأشيرة لمصر ماعطونيش ؟؟
مع انه مكتوب في جوازي الجنسية ليبي !!! زعمك ما رفعتش راسي كويس !!!!؟؟؟
وسامحوني (نهلوس )خوكم كلام عرب