التحرش بفتيات ليبية...اين ذهبت الرجولة؟

https://www.facebook.com/photo.php?v=216237468548290

التحرش بفتيات ليبية...اين ذهبت الرجولة؟
احدى المشاركات:
خاص جحفل فضح المتحرشين

انا نكتب و مازلت راعشة.. و سامحوني على الكلام الي في الفيديو.

انا كنت مروحة من امتحان و سادني رعايش الامتحان نفسه و الدنيا مطر و الطريق زحمة و مسكرة و السيارات واقفة عند السيمافرو، جت في جنبي السيارة هذي فيها اثنين و الي يسوق قعد يبيب يبي يعطيني كرت رقمه انا درت روحي مش فاطنة. مشي يدير في إشارات بيده و يضيق عليا في الطريق لعند لصقت ع اليسار و ما عندي وين نمشي بعدها قعد يبيب و يخبط ع القزاز و ع السيارة و يدوي في كلام سخيف و بصوت عالي.

انا طلعت التلفون و درت روحي نحكي بلكي يمشي. و خذيت كم لقطة بعدها قعد يعزق في حاجات مرة يكب مية ع القزاز مرة يعزق شيشة مية مرة كناسة. كله عشان نفطنله و نفتح القزاز و ناخذ الرقم!!!!

تبعوني طول الطريق من مكان لمكان و هما يضيقوا عليا و يعزقوا في حاجات في السيارة و المشكلة تصير قدام الناس و الرجالة و السيارات الي ورانا فاطنين الي يصير و ما حدش دار حاجة مشيت يمين يجي جنبي و يضيق عليا و لفيت و غيرت طريقي مشى ورايا.

معش عرفت شن ندير خفت نرن على هلي يديروا حادث و هم جاييني.

مشيت و ندعي يمشوا في حالهم و حالتي حالة لعند وصلت في سيارة صاعقة ووقفت عليها و قلتلهم عليه و انا منهارة ما حوتك الكلام طلع.

وريتهم صورة السيارة الي فيها رقم السيارة و قتلهم لو سمعتوا بنت انخطفت راهو هذا الي خطفها.

بارك الله فيهم طلعت سيارة صاعقة وصلتني لعند الحوش و هو طبعا اختفى في لمح البصر بعد وقفت على الصاعقة.

انا صورتهم بالفيديو عشان تسمعوا شن يقولوا و سامحوني على الي فيه، و عندي مجموعة كبيرة من الصور لان طول الوقت و دايرة روحي نحكي و مش فاطنة عشان يعدو و انا نصور بالكاميرا.

عندما تغيب الأسود تخرج الجرذان المقملة