مقبرة رتل الجنة

هلبن طاري جن من فوق.... اسماح التوق... ناقلهن للجنة شوق ...

هلبن طاري آهن جن ... اسماح الفن ... دارن غبره وادّعكن ....
رقتْ لافوق...تغرّب والميقـــات شروق ....

هلبن طاري العموريات ... الفزّاعات ... نهار الملطم معروفات ....
ايعدّن في عيون الريمـات ... امنين بكـنْ .... يا بال زعيم ومعشوق ....

هلبن طاري من لقحوص ... اعزاز انفوس ... اصحاب الهمه والنّــاموس ....
نهار انباعن فيه الرووس ... اللي مبزوق ... اللي طايح واللي محروق ...

هلبن طاري من الطرشان ... اكبار الشان ... تلاقن عند الزعفـران ....
دارن ســوق ... نهار عجاجه ارقي لافوق ...
.
هلبن طاري الومليـات ... المشهورات ... اخشوم العادي كسّـارات ....
اسياد اكحيلـه والخلفات ... اسياد الطوق ... ايحوشن عالنجع المجلوق ....

هلبن طاري الخطريات... الحماقات ... على غاليهن لوامات
ايجن دفوق ,, إنكان تباطن جابن روق ...

هلبن طاري سوق حماس ... وحس رصـاص ... اتقول قليّه في حمّاس ...
وعيّـل متوتّي قنّــاص ... الروح زهوق ... ايقنّص عالجرذ اللي ايتوق ...

هلبن طاري الفزّاعين ... المشكورين ... جميع قبايل رقم اتنين ....
ترايو ردّادين الــدّين ... تنــادوا فكّاكة لحقــوق ....

هلبن طاري جيش رجود ... وحلف ايهــود ... محـلاّت تلاقن و احشود ...
لقــايدهن وفّن بعهــود ... ايمين عطنْ ... سوا حقّي ولا محقــوق ....
هلبن طاري جن من فوق.... اسماح التوق... ناقلهن للجنة شوق ...

هلبن طاري الفزّاعين ... المشكورين ... جميع قبايل رقم اتنين ....
ترايو ردّادين الــدّين ... تنــادوا فكّاكة لحقــوق ....
في جنات الخلد إن شاءالله