رد الشاعر علي الكيلاني ع((. حنان ))

من طرف ابوعلي السبت ديسمبر 13, 2014 3:50 am

الشاعر علي الكيلاني
=====================
((حنان )) فتاه من مدينة بنغازي وحره من حرايرها
ليبيه الاصل والمفصل تقلب صفحات الفيس لتقع عينها علي صفحة الشاعر علي الكيلاني الذي تعودت علي سماع النجع منه
في شهر رمضان منذ ان حلت عيونها وكبرت وهي تسمع (( موش امس موش اليوم نحنا رفاقه عمر// اللي بينا معلوم كل احترام وقدر)) فما كان منها الا ان تكتب تعليقها واعجابها. يسبقه سؤال كبير فحواه (( يا رفاق العمر اين المعلوم اللي بينكم من احترام وقدر بعد الذي شفته من الليبيين في بعضهم مما يذاع ع المحطات ))
كان رد الشاعر بهذه القصيده؛-

((. حنان ))

عيون في حنان تقول يا شاعرنا
كيف صار فينا وليش هكي صرنا
حنان حزينه
في عيونها باين ملام تبينا
ما تحزني لوكانها بيدينا
ياحنان موش احنا الفراق اخترنا
ليام دارتها ودارت بينا
والوقت عن فحواه ما خبرنا
منينا عليها والسرع بيدينا
لا جوك داعش. لا احتلوا درنه
ونحنا عرفناها خيانه وجينا
جابولنا الناتو وجا كسرنا
وغبنا عليك وفي الصدور غبينا
عارفينها بتسيب في خاطرنا
حسره عللي خان وطنه ودينا
وجاب العدو. لبيته التيس بقرنه
جدنا بحق العيش روس عطينا
خيم ظلام الليل طاح قمرنا
خشت بعضها حايسه روينا
علي فراق زولك يا حنان اجبرنا
رحنا ذوايج ياحنان جلينا
ودار الزمان بعكس ما فكرنا
منينا مصابي ما عليك بطينا
درنا الواجب والكريم سترنا
جبنا عواديدنا لها همينا
شكع برق فاتحنا نهال مطرنا
والشعب كيف الموج جا ملاقينا
مع بعضنا تاج لنقليز كسرنا
وجا زعيمنا لنقر وبيه علينا
وعم البسيطه يا حنان خبرنا
لا الروس قطعنا ولا اعتدينا
كبر شرف قايدنا ونحنا اكبرنا
كيف العسل فالريق زدنا احلينا
بعد الصداء بان ولمع جوهرنا
قواعد اعدانا م الوطن جلينا
ومنهن اصفاء جونا وبحرنا
وجاء النهر يدفق يا حنان روينا
بات سيف بي وده الودود غمرنا
وصارت عظيمه وللبعيد مشينا
صعدنا مع الصقر الوحيد وطرنا
فتنا السحاب وبي شموخ ارقينا
افريقيا السمراء والدغال عبرنا
يا حنان ما درناش غير الزينه
اشراف النسب في وجه ظالم ثرنا
وتو حايسه ومسامحك. ذمينا
انعفنا وما نبوش من يشكرنا
رفيقنا نكرنا والحبيب نسينا
بداء يحوم بين البين مؤشرنا
صبرنا بلا اللي غاليين علينا
ونبشر بوعد الله كان صبرنا
شربنا وكلينا بعدهم وزهينا
مواجع اللي مايوجعوش ضمرنا