ويش ابعدك شينة يا الغربة وكم غريب تلذع فيه نارك

ويش ابعدك شينة يا الغربة
وكم غريب تلذع فيه نارك
الغربة موش تغييرت التربة
ولاهي شيل لا تغيير جارك
الغربة كرب ان جت للوطن كربة
واتبات غريب كان الهم زارك
الغربة موش طير ايسيب سربة
الغربة جور في وطنك ودارك
والمعهود في وطني غدربة
صاحب عهد والشاهد ايبارك
والجاحد فيك يا وطني استربة
والهفاك يصنع في قرارك
والمسلاق هلي اتقول حربة
امعا الضالين ساري وموش دارك
ومامن هفك واهباله انشهربة
الخراب الوطن بهباله امشارك
وكم غريب صمته معتذربة
ومامن عقل حاطي تو بارك
وهمك فيه يا ابلادي وقربة
ويلحظ فيك رحتي عن مسارك
وايش ايدير موالك اقهربة
وفيك غريب من غربة اطوارك
عمكم ضو