الرجاء عدم ذكر اسمي انا موظفة في مصرف جنزور -عندي بلاغين سالتك بالله تنشرهم

السلام عليكم .. الرجاء عدم ذكر اسمي
انا موظفة في مصرف ##### جنزور -عندي بلاغين سالتك بالله تنشرهم بش الناس تفيق على روحها
نبي نبلغ على الظلم الممارس على المواطنين من قبل مدراء المصارف وتعاونهم مع المجرم ناجي قنيدي وشرذمته ...
.
اول شيء .. بنبلغكم على سرقة مرتبات المواطنين بالاكراه وخاصة افراد الجيش النظاميين و افراد اللجنة الامنية المنضمين للتدريب في جهاز الشرطة واللي مسويين اوضاعهم للعمل المدني ومازالو يستنوا في التعيين ...
السرقة تتم بالاكره بالتعاون مع مدراء المصارف بالكامل داخل بلدية جنزور مع ناجي قنيدي وشرذمته ، وذلك بحجز مرتبات المواطنين ووعدم صرفها .. يعني المواطن نازلين له فلوسه وما يقدرش يسحبهم بامر من مدير المصرف
.
الا بعد ما يجيبو ورقة من ناجي قنيدي والاذن بالصرف ... والمواطن المغلوب على امره يمشي لناجي قنيدي بش ياخذ هذه الورقة وبش ياخذها لازم يتنازل على نصف المبلغ المحجوز
.
يعني نصف المرتبات المتوقفة اللي ليها اكثر من 5 شهور ما نزلتش لافراد الجيش وافراد اللجنة الامنية اللي يتدربو حاليا في الشرطة واللي يستنو في العمل والتعيين المدني وعندهم صغار وعائلات مش لاقيين ما ياكلو وراكبهم الدين ويحسابو روحهم بيخلصو ديونهم
يجي الكلب ناجي قنيدي بالتعاون مع مدراء المصارف وياخذوها منهم بالاكراه والحرابة وبالغصب ولازم توقعلهم شيك بنصف المبلغ بش تاخد الورقة وتسحب اليوم الثاني اللي تبقى لك
.
التبليغ الثاني ...
على سرقة العملة الاجنبية من قبل مدراء المصارف في جنزور بالمشاركة مع ناجي قنيدي ويوميا يخنبوا فيها
ويبيع فيها ناجي قنيدي في السوق السوداء خارج المصرف
.
ولما يجي المواطن اللي محتاج للعلاج يكشوا عليه ويلزوه ولو قال كلمة افراد المليشية في المصرف ينزلو عليه بطريحة ويرفعوه
انا وجعني شيباني يبي يعالج جايب اوراقه متع العلاج ويبي يصرف ماهوش حتى مبلغ كبير
.
مدير المصرف قاله ما عنديش ولما الحاج قعد يتكلم ويقول هذا حقي جوه متاعين المليشية وضربوه كف بدون اي احترام لشيبته ولسنه وشدوه من سوريته زي القطوس وقعدوا يكركبوا فيه والله لين قعدت نبكي من الظلم اللي نشوف فيه ومعش قادرة نخدم في المصرف
.
والمشكلة بعدها جي ناجي قنيدي وخش هو وكلابه للمدير ورفع صندوق الدولار بش يبيعوه في السوق السوداء
.
سالتك بالله تنشر هذا واللي يبي يتاكد يجي للمصارف داخل جنزور ويتاكد ويال افراد اللجنة الامنية وافراد الجيش النضاميين مش المليشيات حيعرف صحة كلامي
.
انا بس نبي نعرف وين دار الافتاء من هذا اللي ايدير فيه بايع الخمور ناجي قنيدي اللي تاريخه معروف في جنزور خانب وبايع خمور وكان يضرب في بوه وامه بشهادة جيرانهم
.
خيره ما يطلعش المفتي زي ما طلع قبل واتهم الجيش زورا وبهتانا في طريق المطار بالحرابة والخنبة اهو هنا الخنبة والحرابة والرشوة على اصوله