اهداء لجماعه الخير جاي ونبوها كيف دبي

من دينار الاشم

ليش الصمت ،،
ليش الصمت على بغال وحمير،،
باعوا الوطن بأبخس السوم،،
باعوا الشعب في جلسة سكير،،
في أشهر حُرم وفي أشهر الصوم،،
الوطن وضاع اصبح للغير،،
واللي حكموه من انذل القوم،،
هذا الحال مكشوف وخطير،،
اللي داروه ما داروه روم،،
سلب ونهب وتكسير الخشوم،،
وهتك العرض عنوان الرسوم،،
شي ما كان يخطر لا يصير،،
لا في العلم لا حلم الحلوم،،
وشئ غريب ما عنده نظير،،
بيني يجي وما بينه النوم،،
وفاجاني شي بنت وتستجير،،
منها ضاق بالي والعلوم،،
بنت شهيد وزوجه لأسير،،
تستغيث من قو السموم،،
من اللي غاب في يوم النفير،،
ويكذب قال انا شايل هموم،،
وهو شال ما يحمل بعير،،
دولار وذهب يحسابه يدوم،،
وما يحساب عمره بالصفير،،
بنات اشراف ساومهن حقير،،
يحساب الشرف ساهل ع العموم،،
ووين تجيه بيمينه يطير،،
يحلف حلف بمبداه دوم،،
ان الوطن بروحي جذير،،
وهو كذاب خوان وذموم،،
وليك الله خلها في الضمير،،
لك الله يابنت القروم،،
ليك الله ما بعده كبير،،