وصول ضباط عراقيين إلى سرت لقيادة "داعش ليبيا"

مانكميها .. نطلق ادموع العين مادا بيها .. لومايقولو عيب
لين اتمل .. ايجي دمعها حادر بغيض وغل
ولين المواجع لولات الكل .. انلم شملها علي بعضها نحصيها
انخلط بكاريها علي ام شمل .. يجي صولها هادر يحوش فيها
الوارده يوم ضميها تنزل .. والصادره بعد ارتوي ضاميها
والماكنه في البال كيف السل .. والناقشه تاريخ في ماضيها
والعابره غيمه ودارت ضل .. والماطره وبرقها تضويها
والخافيه علي الناس بين دخل .. والباينه ماحد غابي فيها
انجيب حبلهم جرار فيه انتل .. وحده ورى وحده عنا نطريها
ونبدى انقض في الجروح انحل .. انشق جمر هلي خامده نحييها
مواجع اتجي في البال يركب خل .. تبدى اتغونن جرحها كاويها
ايجي كيدها علي العين يتاقل .. منا اتزغلل دمعها ماليها
ايظل دمعها رقراق يشاتل .. علي الخد باين سيلهن تشويها
فوين تنحدر منا ادير بلل .. نقاقيع فوق اوسادتي ترويها
تشهاق عبرتها اندير سبل .. انحكم عليها الياس ونبكيها
وانكان ريت منها العين دمعي قل .. اتجدد سكايب دمعها انخليها
لا انكفها لا انريد نوجد حل .. ولا بكم نمسحها ولانواسيها
لين ماحجاها ايبان مديبل .. ولين دمعها ينزاح من ماقيها