عليه سكروا المطار جاهم عايم الـيوم لـيبيا تـمت ثلاث حكايم.

‎منتديات الدفاع عن الجماهيرية الليبية و سوريا العروبة‎ .


راس البيت قال :
عليه سكروا المطار جاهم عايم
الـيوم لـيبيا تـمت ثلاث حكايم.
وردي عليه كان :
جاهم سابح ،،، رايق وما بالاش في اللي يقابح.
جت دخلته في عز صبح الصابح ،،، ماتقول بات الليل كله حايم.
خلا الشوامت من بعيد تشابح ،،، تلقاش فيهم من عيونه قايم.
حداه الرواما جاهزة للضابح ،،، معيّرينله على ندهته بالتايم.
وين الكلاب الكاينه تتنابح ،،، جاسرين كانش عالفقير الصايم.
خلا وطن ثمه بيعته للرابح ،،، مايدوم كان اللي كريم الدايم.
( هيثم الخطاب).
جاهم غاطس..وكم خشم بخشوشه عليهم فاطس.
وراه م المدافع عل نشوق العاطس..ترزم وما تسمع نهيق بهايم.
مشي منو ما يسوو قشور بطاطس..فنعله وعنوي ع الشهيد الصايم.
الشاعر مفتاح عمار .
الدايم الله قلناها ،،،من يوم غيبوا عنها اخيار ظناها.
راحت وراحن عزها وهناها،،،وطاح قدرها بطيحت الشيخ
الصايم.
بدة سايبه حتى المخزز جاها،،،خذي حصته والاذان فيها قايم.
الشاعر (ثلب النجع).
جا بالدرقة،،،فوق البحر والموج ينزل يرقى.
سارق خشوشة للمدينة سرقة،،،منين ماقدر يخش ليها حايم. (بالطيارة)
من فرنسا جا الامر للبشمرقة،،، شدوا مطارحكم بلاش جرايم.
كيف رفقة الترفاس عشبة الارقة،،،هم رفقته السراج دوم الدايم.
الشاعر ( طارق قرضاب)............من صفحة الاخ والشاعر هيثم