احرار مرزق....هذا كيف أصبح العيش في فزان...

العيش في الغابة ...هذا كيف أصبح العيش في فزان




بكل صراحه و للأسف نقولها إن العيش في الجنوب أصبح و كأنك تعيش في غابه ..و من وجهة نظري و كأنه أصبح صراع بين أسود وبشر' ..و القصد من كلمه أسود دلالة على إنه في ناس عايشة على قانونها بروحها بمعني 'قانون الغاب''...
بالله عليكم هذا مش حرام !!! لو تشوفوا ماعاد فيها >>السرقات و جميع الانتهاكات كل يوم ما شيه في الزايد ..معقوله يسرقوا سيارة و ينزلوا العائلة كلها بصغارها في الطريق و زيدها يرموا عليهم بسلاح ... هذا شنوا نحن وين ساكنين !!!
و قصة المصارف المقفلة في المناطق الصغيرة و يدزوا فيهم ل سبها بيش يصرفو الشيك ... و ياريتها وقفت عند هنا ، بعد ما يسحب الفلوس فيه 'مافيا ' ترجي فيهم بره المصرف و يهنوا على المبلغ المسحوب كله ..فيرجع صاحب الشيك 'بخفيه حنين' على قولت المثل العربي ..
هذا شنوا يا ناس ،،حد يفهمنا نحن وين عايشين ؟؟؟ معقوله مفيش لا جيش و لا شرطه !!! و المشكله كل شي يحصل في عز النهار جهارا و قدام الناس !!!و مفيش حد يتكلم !!!
حسبنا الله ونعم الوكيل

هذا علاش سالتكم السوال
لو خيروك العيش في مدينتك أو الغـــابة .. أين تختار
لو الحالة هذه مستمرة شن هو الفرق بين مكان سكني و الغابة ؟؟؟!!!