قصة الشهيده خولة الطاهر اعراب الرجباني

في من خبر واجــد اهرم يا خـــوله .... وفي من خبر واجد انراجو فيه
بتصــبير مو لاقي عرب صبوله .... بدعاك يا خوله اكفا كافيه
بدعاك يا خــوله اتــردي جـــوله .... واما خبر فرسانا خليه
اليوم خيـلنا راحــت وهي مقيوله ... الي هان مره تربحي هونيه
انتي فحبس كــلاب ريتي غــوله ... وغيرك فمصر مصفقين عليه
وغيرك ايبرطع في مسارب دوله ... وغيرك فصيد الريم لاهي بيه
وغيــرك ايهاجي خبــزته شالوله .... وما يندري قديش ناديتيه
وما ينــدري عالحول كمل حوله .... بقوت اصبرو هاجا خبط كرعيه
وغــيرك فــبار الغير خلط كولا .... وشارب بعد كاسك ضرب ساقيه
وغــيرك بنات العز ليـهن طوله ... فسواق سيتي خود كاش عطيه
اصـــرف ومتسالش الهم منتوله ... مامن ارزاق التاقله شلتيه
وغيرك ايراجي في رفق مشيوله .... اصحاب الغلا لاقوه قولي ييه
مخلص تداكر عالغــلا هايوله .... في شط شرم الشيخ متراميه
وراهو خبر واكد خبر حكيوله .... بتصويرهم عندي ونا باكيه
اليوم يا خويله قبركم نمشــوله .... ونبكو ابكي نسوان ما تساليه
راحت الجوله ماهناك ارجوله .... لافّي لا فيهم ونا حاكيه
مانــعرفك لكــن الحق انقــوله ... الله والنبي هالكبد مزّطيه
اليوم شعبنا ناسي رحل مرحوله ... وانتي وغيرك تلعنو طاريه
كم بنت فحبوس الظلام وهوله .... وكم بنت ترجا بختكم قاريه
وكم بنت مخطوفه وليها طوله .... وكم بنت ما تدري ونا داريه
تبي الحق ماعادش هناك فحوله .... نون نسوتك برهان كاتبتيه
قعد عرضنا قصعه وهي ميكوله ... مفارق ايهود اليوم حوستيه
نبدا بروحي وألعني يا خـــوله .... ماعاد ترجو وقتنا خليه

جحفل معدان المقاتل