!! هلوسات ليبي......!!!!!!!

!! هلوسات ليبي......!!!!!!!
!!كي لا ننسى !!
ماتنسوش الرتل اللي جاكم وكلهم واكلين فياغرا وبالامارة الحبوب هي الوحيدة اللي ماانحرقتش !! وماتنسوش الشباب وهم يتناقزوا ويصورا على الجتث والاليات المحروقة !!
وماتنسوش 8 شهور دعاء قدام المحكمة و36 جمعة في ساحة الحرية على قولتكم !!
وماتنسوش التمر القطري والزيت التركي والرز الاماراتي !!
وماتنسوش فتحي تربل وهو يخطب فيكم من على منصة المحكمة !! وماتنسوش جون ماكين وهو يدهور في سي خريبيش وشباب بنغازي الرائع يأمن في المنطقة !!
وماتنسوش عبد الجليل وهو يعلن التحرير من ساحتكم وماتنسوش الزحمة اللي درتوها لاردوغان لما جاكم نص ساعة مع عبد الجليل !!
وماتنسوش مكأفاة المقريف المجزية اللي اعلنها من ساحة محكمتكم !! وماتنسوش بحبحها ياكيب !!
وماتنسوش صاحبكم اللي قال والله ما اتينا الا لنصرة هذا الدين !!
وماتنسوش المصريين اللي كانوا يحاربوا معاكم في الطاغية وتعالجوا فيهم في الجلاء !!
وما تنسوش طيارات الطاغية اللي جاية تقصف فيكم وامية النهر اللي بيديرلكم فيها سم !! وماتنسوش القطع البحرية اللي قصفكم بيها من البحر !!
وماتنسوش الساعدي وعبدالله السنوسي اللي جايين يشروا فيكم بيش تهفتوا !!
وماتنسوش الاعلام اللي كنتوا رافعينها وتصلوا تحتها حتى من غير وضوء !!
وماتنسوش سالم الجابر وهو يخطب في كل جمعة ويبشر فيكم بالخير !!
وماتنسوش ياجزيرة ياجزيرة والله مانك حقيرة !! وشهيدها حسن الجابر !!!
وماتنسوش حمد وساركوزي اصدقاء ليبيا !!! ويا لولا فزعة ساركوزي !!
وماتنسوش ياقدافي موت موت الشعب الليبي كله خوت !!
وماتنسوش شدي العزم يامصراتة نصرك اهو جاي !!
وماتنسوش اصحاب القبعات الصفر .... وجايين بيحرقونا !!!
وماتنسوش حرائر بنغازي وهي ترمي بالكلاشن احتفالاً بقصف الناتو للرتل اللي جاي بيمسحكم !!
وما تنسوش نوضي نوضي يا بنغازي هضا اليوم اللي فيه تراجي !! وقولوا لمعمر وعياله بنغازي فيها رجالة !!
وماتنسوش اسد بنغازي اللي جاكم من الكفرة بيأمن بنغازي أسامة بن حميد !!
وماتنسوش عمكم ونيس بوخمادة وهو يضع في اللمسات الاخيرة مع برنار ليفي في غرفة العمليات اللي في الزويتينة !!!
وماتنسوش بنغازي المهمشة42 سنة !!
وماتنسوش الشهيد الحامي اللي قتلوه جماعة الامن الداخلي هو وجماعة القاعدة زمان في بنغازي !!!
وماتنسوش 17 فبراير والاهداف اللي من اجلها قامت !!
وماتنسوش بعد (أدخلوا عليهم الباب ) تسكروه عليكم من جوة !!
بنغازي ........... مع السلامة ؟؟؟
طرابلس ... هااااااااااااي
عملية غسوررررررررة !!
ماتنسوش الانفاق اللي تحت باب العزيزية !!
وماتنسوش القعدان اللي دبحتوهن للمصاريت والزنتان وانتم ترحبوا بيهم !!
وما تنسوش حرائر طرابلس اللي تكتب على السطوح شكرا للناتو !!
وماتنسوش الطيارات اللي قصفكم بيهن الطاغية في فشلوم وراس حسن وتاجوراء !!
وماتنسوش أسود الجبل ومصراتة الصمود !!
وماتنسوش الطاغية كان مهمشكم حتى بالامارة ماخلاش اسماء سليم تغني في الساحة الخضراء !!
وماتنسوش انه كان مخلي النت ضعيف والاتصالات تعبانة !!!
والمطار يحشم !! وما فيش ابراج ومافيش مولات !!
وماتنسوش كتائب الطاغية اللي كانت فارضة الامن بالقوة !!
وماتنسوش انكم جبتوها بالجالاطينة !!
وماتنسوش جرافات السلاح اللي جت م البحر !!
وماتنسوش السلاح اللي لوحاته فرنسا لجماعة الجبل والسلاح اللي دخلاته قطر من ميناء حلق الواد في تونس !!
وماتنسوش ابطال سلاح الجو القطري والاماراتي والاردني وهم يقصفوا في المعسكرات اللي عطيتوا احداتياثها بالثريا !!!
وما تنسوش كيف هربتوا الصادق الغرياني لتونس !!!
وما تنسوش شهدائكم اللي ماتوا بالببوخة !! واللي ماتوا في محطات البنزينة !!
وما تنسوش الطابورين اللي درتوهن لهيلاري كلنتون لما نزلت في معيتيقة !!
وما تنسوش دوغة ومحمود عبد العزيز وحسام التايب ونزار المتجول !!
وماتنسوش بشر وغنيوة والمرغني والعرادي وكارة !!
وماتنسوش جماعة قطر وهما يديروا في امتحان لطلبة وطالبات الزنتان بيش يرفعوهم يقروا غادي والمطار اللي بديره قطر للزنتان وشيابين الزنتان وهما ياكلوا في الرز في الدوحة وكلمتهم في حفل تكريم الجيش القطري اللي ساهم في اسقاط النظام !!
وماتنسوش سفارة تركيا في مصراتة وقنصلية مالطا فيها ومكتب العلاقات الفرنسي وممثلية الامريكان فيها !!!
وماتنسوش انه معاش فيه حاجة سماها نفط ما فيش حاجة اسماها كهرباء مافيش حاجة اسماها أمن وأمان !!
ومافيش حاجة اسماها شرارة الثورة ولا عاد فيه حاجة اسماها العاصمة الابدية !!
وسلملي سلملي واجد موش شوية !!!
وسامحوني راني مليان وليا زمان ساكت نتفرج بس ؟؟ لكن معاش نقدر نسكت ؟؟
ليبيا ضاعت .. ليبيا ضاعت .... وانتوا لبيتوا النداء
سامحونى نهلوس

اخذتهم العزة بالاثم