إستفتاء بمناسبة العام السادس ( للربيع الفبرايري ) سجل انجازات فبراير بحيادية

الشاعر علي الكيلاني
-----------------
إستفتاء بمناسبة العام السادس ( للربيع الفبرايري ) سجل انجازات فبراير بحيادية ،،
ترا كل ليبي يقول شن ( فبراير ) ،،
إنجازاتها ،، ( مقيم والّا زاير ) ،، ؟؟
سادس عام ،،
شن شاف فيها ،، ( ماشية قدام ) ،،
من غير ما يظلم ( الظلم حرام ) ،،
يقول حق لا ( ايجامل ولا بيساير ) ،،
كان المجيدة ( حققت لاحلام ) ،،
وفعلا الليبي حر ( خيره حاير ) ،، ؟؟
والظي هارب ،، ( والبلاد ظلام ) ،،
وفي السجن مغتصبة ( بنات حراير ) ،،
ملغي النشيد ،، ( وغيّروا الاعلام ) ،،
حكومات يدّعكن ،، ( تقول ضراير ) ،،
( وثوار ) ،، تعطي كل يوم تمام ،،
اعلان خطف ( مواطن ) ورآسه طاير ،،
يا قاتله الإرهاب ،، ( يا منضام ) ،،
بايت علي المصرف وجرحه غاير ،،
ومغبون ومفلس ،، ( وجاته إجمام ) ،،
وتشوف فـ إعيونه ( رصيد قهاير ) ،،
املاقي الحمام يرش في الطعام ،،
يقول يالله للوطن ( جيب بشاير ) ،،
شن حصلوا منها ( عرب واسلام ) ،،
وشن غاب عنها من ( افعال كباير ) ،،
نبي مُحايد ،،
يقول لي علي لبلاد ( شاللي زايد ) ،،
كيف حالها من يوم غاب ،، ( القايد ) ،،
نبي رد ( تكنقراط ) والّا ( ثاير ) ،،
موش ( حقد ) من ( كاره ) ولا مزايد ،،
بِـ صدق من ثُلة اصحاب ضماير ،،
ما هوش مالّلي ( يرقعوا ) في البايد ،،
يخاف ربنا ويقول ( شـ اللي صاير ) ،،
على بلادنا بالزبط ( شـ الّلي عايد ) ،،
انا نقول ما اتجينا الا ( الخساير ) ،،
ويزيدن على ليبيا الا ( المكايد ) ،،
ما تزودوش النار ،، (ع الّلي فاير ) ،،
إتجيبولها ( مشير،، والّا الرايد ) ،،
( الحاطي البارك )،، ما إيقل غراير ،،