الشاعر علي الكيلاني:شيخ الوطن وصلت الجنه

شيخ الوطن
وصلت الجنه
طلبها ، لقيها ، حق ( جت تدنا )
عمر اشكال ياخوته وصل للجنه
وصلت مكانك
الجنه مع الشهدا ، انكتب ،عنوانك
صبرت يا (شهيد الوطن )ربي عانك
ع الصبر ، لكن ، وينما ، تتمنا
والخزي ، واللعنه ،علي من ، هانك
يا صبر ، لين الصبر ، خاجل منا
ياقدر ،يا بن القدر ، عالي ، شانك
من قبل وجهك قدر ،، عالن ، عنا
ع العيب صاين حجتك ، والسانك
وافي ، وفي ، ،وفيت فرض ،وسنا
ولد بيت ، صامد والعدو ما لانك
صادق ،،مع القائد ،، موفي ضنا
لكانك ، تبي ، التركيع بكري رانك
روحت ، ،والركاع ،،بيت ،، تغنا
وفرت ( غسالك ) مع ( كفانك )
وعديت ، للجنه ، عطور ، وبنا
لبسك ،وفعلك ، (ياعمر) ،نلقانك
كيف عشت ، كيف شهيد هنا هنا

طلبها لقيها حق ،،، (جت تدنا)
عمر اشكال يا خوته وصل للجنه