طالع متباهي متمايل ...

طالع متباهي متمايل ..... قال قبايل .... ماهن للدين ولا صايل
طالع ناكرها القبيله .... في تفصيله ....لازم نشرحله نحكيله
يا غرياني يا العزيله ... خود دلايل ..... ربي في قورانه قايل
بيش ايزيد العرف وميله ...... دون خصايل ... راني بيهن عزي شايل
ماهن لدستورك حيله ..... يا متحايل ..... تنقز وتهابش شن طايل
حزب اخوانك شد رحيله .... دار علايل ..... خلن وسط الجوف غلايل
في مصر التز ونوميله ..... خاب الخايل .... والعقبه ليك بلا جايل
مالي سيسي بيش نشيله ... غير شوايل ... ينده عالمنقوش الصايل
والحاسي كاتر تصميله .... ناكر مايل ..... تابيها من غير حمايل
بو الخمايد حار دليله ..... جاب متايل ...... تكتيف وفكان عقايل
هلي صـــار بلا تطويله ..... جيب نعايل ..... درتوهم للعار خلايل
راحــــت لبلاد وهلعيله ...... يا الرزايل ..... راكم فكاكين شمايل
راكم خل خداه خليله .... قله حايل ...... جابه للتوليد عدايل
حملكم بالعار عويله ..... غير غسايل .... وانتم جيابين نحايل
مولود مشوه جبتيله .... خاين سايل ..... ينشد عالسيد وعالعايل
وانتا فالتكييف امطيله .... كول عسايل ..... وابعت فالنقال رسايل
قول حرام انقول قبيله .... قول جهايل ...... قولك للعزار جمايل
قولك للجهال وسيله ..... قول قبايل ....ماهن للدين ولا صايل

تو ايبان.

ابدعتي أختي فارسة الصحراء

تحياتي لك