دروع ليبيا تقوم بسرقة اموال الليبيين وكلفة تأمين طربلس أعلي من تكلفة الناتو

من طرف ابوعلي الأربعاء أغسطس 14, 2013 7:13 am

[b]دروع ليبيا تقوم بسرقة اموال الليبيين وكلفة تأمين طربلس أعلي من تكلفة الناتو
-----------------------------------
اليوم في وزارة الدفاع طرابلس جاء مسؤول المالية في درع ليبيا وتقدم بورقة الى مسؤول الشعبة المالية وطلب منه توقيعها فرفض المسؤول وتعالت الاصوات وتبادل الشتائم وكان سبب ذلك تقدم مسؤول درع ليبيا بطلب صرف مستحقات مالية ومكافأت لمنتسبي الدرع وذلك عن عملية تأمين مدينة طرابلس فسخر منه المسؤول وقال له ( غير ايأمنوها قبل يا بسم الله غير امتا جو هما من اول يوم ويطالبوا بفلوس ) --فكان رد مندوب الدرع (( انت شن دخلك انت تصرف وانت ساكت انت من الازلام وهذين فلوس للثوار الاشاوس) وغيره من ها الكلام --الحاصل صارت هرجه واشتبكوا بلايدين لاكن الحق مندوب الدرع مع انه شاب في التلاتين كلا طريحه من الظابط ( الشيباني ) اللي عمره فوق الخمسين وطلع مندوب الدرع وجه كله دم وكان ما فكيناه من ايدين العقيد راهو قتله --- لاكن وهو طالع قاله والله مانك قاعدها ونفجرك انتا وسيارتك --ونحنا نصحناه وقللنا خوذلك اجازة وفكك من الوجيج وما تجيش غدوة فكك من شره وانشاء الله يقتنع بس .
المهم قلناله انت ليش انفعلت يا افندي الورقة جاية من رئاسة الاركان وهما اللي مكلفينهم وانتا عبارة عن اجراء روتيني بس يعني حتى من غير توقيعك والله الا واخدينهم الفلوس ؟؟؟؟
قال والله حرام رزق البلاد لا وقال في الورقة القيمة مكتوب انها 294 مليون اي مايقارب لكل واحد مبلغ 24 الف دينار والمدة الزمنية للعملية شهر --تخيلوا 24 الف في شهر بس لكل واحد من جماعة الدرع :

والقيمة الاجمالية 294 مليون --يعني كان جبنا النيتو ارخص بالك

منقول من احد الشهود