هام للجميع (الانتفاضه ) رجال الظرف الحالي

موضوع للنقاش .( مادا يتوجب على الشعب الليبي في هدا الوقت)
سؤال سنجيب عنه وهو شي فرض وواجب على كل الاحرار والشرفاء
والغيورين على ليبيا
الان وفي هه المرحله يجب على الشعب الليبي ان يعلن عن انتفاضه شعبيه متزامنه مع الانتفاضه التي قررها الشعب المصري
الان هناك فرصه بين ايديكم انتم يا رجال ليبيا يا شباب العظمى
فيه ناس بتقول توا هدا يجري بينا تشيني ننتفض والله المليشيات والجردان يقطعونا ويبهدنولنا فوق اتبهديلنا توا ؟
انت يا خوي الى تقول هدا الكلام هل عاجبك حال البلاد انت اكيد عندك صاحب او اخ او عم او خال شهيد او معتقل واسير في سجون مليشيات العملاء وكلامي واقعي وانت توا قاعد تقرا في المنشور قاعد بحيره من امرك بينك وبن نفسك اتقول زعمه خوي حي في السجن والا قتلوه زعمه يطلقوا سراحه والا معادش بنشوفه
الكلام هدا الى في دماغك توا ولكن بنقولك انك ضروري تتحرك وتاخد موقف باش تعطي الشهيد والاسير حقه
الشهيد استشهد لانه اخذي عهد على نفسه انه ما يرضى بالعار وصان تراب وطنه وقدم التضحيات لانه عارف انه فيه تريس حتاخذ بتاره وهو عنده عشم فيكم يا احرار وخلى جسده ودمائه الطاهره طريق ومعبر باش يمشوا عليه الاحرار والشرفاء والناس الي عندها غيريه على وطنها
باهي سؤال يا ادمن انا ما عندي لا شهيد لا معتقل لا مهجر ليش تطلب منا الانتفاضه ؟
يا خوي الانتفاضه مش بس على خاطر شهيد او فقيد او اسير الانتفاضه لتحرير الوطن من المحتلين والمستعمرين الي كل واحد منهم اختار منطقه او جهه معينه من ليبيا ودعمها بكل الاشكال لاعلان انفصالها واعلانها اقاليم الانتفاضه باش اتعيش راجل والتاريخ يتكلم عنك وعن مواقفك الانتفاضه من اجل ولدي وولدك باش يعيشوا احرار فسط بلادهم الانتفاضه من اجل بناتنا الي كل يوم يتم اغتصابهم وخطفهم من الجامعات ومن الشوراع والمعاهد
الانتفاضه من اجل خيرات البلاد الي كلها اتصب برى باتفاقيات مع حكومه العملاء المستورده يعني بالعربي انت ما لك قيمه بدون انتفاضه
ويسلم خوي فكر بالكلام هدا وانشالله حتعرف انك حتكون على حق
وانه حياتك بلا انتفاضه او موقف قدام بلادك هو حياة زي ميقولوا مجرد يوم ويفوت
والحاجات التانيه الي اتهم القياده المقاومه خليها ليهم هما ادرى بشؤن البلاد
بس انت عليك حق ضروري اتقدمه باش اتعيش بكرامه 
وللعلم   التحرير ينقسم  الى قسمين   القسم  الاول   ويقع على الشعب  والقسم  الثاني  يقع على قيادة  المقاومة   ولن  يكون  هناك  تحرير  ادا  ما  التزمش  احد  هدوا  الاقسام   بواجباته 

وربي يحفظك خوي واختى على قرات كلامي لانه والله طالع من خاطري وانا ضميري مرتاح لما نكتب فيه وانا على يقين تام بانه نحن على حق وهم على باطل وان الباطل كان زهوقا والله خير الشاهدين
اللجنه الاعلاميه لكتيبة رجال الظرف الحالي

Mohamed Abdel Moumene كتب:

ستكون فرصة الانتفاضة المصرية فرصة من ذهب لاحرار الجماهيرية...لكن يبقي دائما مشكل اتحاد القبائل الليبية 

رائع اخي رجال الظرف الحالي و ان شاء الله الشعب يستفيق

ان شاء الله يثور كل الشعب الليبي

Mohamed Abdel Moumene كتب:

ستكون فرصة الانتفاضة المصرية فرصة من ذهب لاحرار الجماهيرية...لكن يبقي دائما مشكل اتحاد القبائل الليبية 

رائع اخي رجال الظرف الحالي و ان شاء الله الشعب يستفيق

Sky News Arabia
الآن | الجيش المصري يؤكد على جاهزيته للتدخل الفوري منعا من دخول البلاد في "نفق مظلم"
صورة: ‏Sky News Arabia الآن | الجيش المصري يؤكد على جاهزيته للتدخل الفوري منعا من دخول البلاد في "نفق مظلم"‏