واحد يلوم في حبيبته فقال ابيات فردت عليه

ليش يا حبيبتي اتغيرتي
وليش كل منتلاقى وجهك علي بدلتي
زعم درتي حبيب ثاني وليا اهملتي
حاولت نتصل القيت هاتفك غيرتي
ردي علي واحكيلي
وانكان وصلك خبرعني ترى قوليلي
-------
ردت عليه اتقول روح انسأني
وشوف غيري حطها ف مكاني
انا حب الوطن مالي كل وجداني
وانت بعت الوطن اليوم للاخواني
زي ما رقص جدك مع الطلياني
واللي باع الوطن يسهل عليه بيعاني

وان كان الزمان ف لحظه ارماني بيك
انقولك انساني ماعاد رغبه فيك
لاتقولي تغيرتي ولا تقولي بدلتي
ولاتقولي ليش ماعهودك صنتي
واحذر اتقولي ياجرذ كلمة خنتي
الخيانه والله ماهي لينا
ولا جدودنا كانوا من الخيان
وتاريخنا يشهد على ماضينا
مش كيف بوصبع نعات للطليان
ان شاءالله الزمان يوم يرجع بينا
ونبني بلدنا خير ملي كان
وانت تكون محصور نادم عللي كان
وتبقى دوم مقهور وتعيش ف الخذلان

--------
هبوب الريح