عنزي ولدت

عنزي ولدت
ولدت ثلاثه عنيقات - حمر وبيض منقطات
خفت عليهن من العيون الحاسدات - يحدث ليهن كيف اولاد الليبيات
بين الدول جاليات
عنزي جميله عود وطول واوذانها زياده طويلات
على صغاره والله حنينه وديمه هن روينات
انا خايف م الزمن الاغبر يبقن عندي جيعنات
كيف ماصار للشعب الليبي مش لاقي حتى خبيزت
من بيرد عليا ايقول اللي قولته مش صحيحات
في بطنه قاعد جيعان  بعد رفع التسعيرات
وحتى راتبه هالمسكين سرقوه مع المسروقات
واطفاله تبكي وتنين لان ابطونهم فارغات
وهو ساكت ايقلب ف العين تقول عيونه معميات
فاش ايراجي هالمسكين حتى ايقولوا ولده مات

هبوب الريح