بامر الخليفه

[اليوم ليبيا راحت امشت تقطيع بعد ما رحل عنها اليوم راعيها
واللي منقع في ليبيا تنقيع بسم الربيع جابوه يحكم فيها
قالوا بلادكم ليبيا بلاد ربيع من كل الملل ياخوي جلبوا ليها
م البحر والجو والبر داخله تقطيع واللي يدعوا اخوان هم حاميها
وقالوا ياليبي واجب عليك اطيع اوامر الخليفه واياك تكفر بيها
بامر الخليفه كم رأس راح تقطيع وكم من شباب ياخوي قطعوا ايديها
اصبحنا اليوم ياخوي تقول قطيع من الاغنام لذئاب تنهش فيها
مرض ليبيا ياخوي مرض فضيع ان طال بيها المرض متلاقيها
انكان ماتحركنا الكل جميع من غيرنا ياخوي ليبيا ايداويها
هبوب الريح