نتصالح ليش

نتصالح ليش
ردوا عليا قولوا ليش    ياقطط وياخفافيش
ردوا عليا
ست سنين من فكر فيا -  كيف حياتي فيها نعيش
        ومن لمد ايده ليا -  منين الراتب انقص مافيش
ومن لمنكم حاسس بيا -  لما اولادي تبات ف رعيش
ويلي جاي اطالب فيا – وتقولي كان تبي تعيش
كيف يكون الصلح معاكم
وكيف تبوني ننسى بلاءكم - واولادي ف السجن تعيش
يلي الناتو يومها حماكم -  واولادي لحمها طراطيش
وكيف تبوني نعيش حذاكم  - ياسراقه ياخفافيش
العيب مش فيكم
فلي طالع ايطبل ليكم – بعد  كم  جلسه سريه
خرج اليوم اينظف فيكم  - بسم الوحده الوطنيه
وياما حكاوي حكاها عليكم - متناسي شن درتوا فيا
ومن اجل مصالحه اللي فيكم -  تناسى مبادئه الثوريه
وتناسى الجماهيريه
-------
اسمع يلا هذا الرد
من ليبي ماهو مرتد -  لا يقبل ف الذل ايعيش
اللي اوقف لناتو ند – لا خاف ولا ركبه رعيش
لو الميت حي يرد -  الصلح معايا مافيش
وكيف نتصافح يد بيد – ماتقبل نفسي الزكيه
واي يد  ليا  تمد – الي بها تعذب فيا
والا اليد الي تهد -  ودمرت بيها مبانيا
منين يرجع اللي انهد -  وتعود الجماهيريه
ممكن يمكن نرضى نعيش
معاكم   ياسراقه وياخفافيش

الاهرام تكشف
الاتفاق بين حفتر و المصاريت في الاجتماع الي صار بين مدير مكتبه عون الفرجاني و فوزي عبدالعال و سالم جحا برعايه مصر و الامارات و امريكا و انهم اتفقوا على تقسيم الكعكعه بينهم ... و بعدين قولي جرافات الموت و دم الشهداء ما يمشيش هباء .. اتفقوا و الي هناك صار