يا وطن لو ديمة اتحط اتشيل...

تحــط اتشيل _ _ _ ما اهناك كيف الصقر بو كميل _ _ _ يا وطن لو ديمة اتحط اتشيل _ _ _انجو في التالي _ _ _ بعد غيبتك ياصقر شامخ عالي _ _ _ وماعاد ينشد لا علينا والي _ _ _ ولاعاد فينا للمواجع حيل _ _ _ ولا فرحنا كي قبل فيه تسالي _ _ _ ولاعاد نرقدو فيهن انصاص الليل _ _ _ ولا عاد قناصت الريم الفالي _ _ _ ولاعاد الخلا يشرح اتحط نزيل _ _ _ بعد غيبتك يازيد بو الهلالي _ _ _ خالط افكاري شي مالتضليل _ _ _ بعد غيبتك ياضي عيني وبالي _ _ _ العتعــت اتهاجي فيك بتزلزيل _ _ _ وجارف اتنادي وينهم الغوالي _ _ _ اللي قبل ملفاهم علي جميل _ _ _ والزيد يبكي دمعته شتوالي _ _ _ والحنيوة نوت عالحزن جيل بجيل _ _ _ وبوهادي اتخبر فيك شان خيالي _ _ _ و الغربيات مانزلن علي هطيل _ _ _ وهي سرت منك ياكبير اجمالي _ _ _ بكاها عمد حولين فيه غليل _ _ _ومالوطن كل الود غير جوالي _ _ _ وسبها عليها عم حزن طويل _ _ _ هذا حالنا ياصقرنا ياغالي _ _ _ وهذا اللي ينقال يا الأصيل _ _ _ اتحط اتشيل _ _ _ ما اهناك كيف الصقر بو كميل _ _ _ يا وطن لو ديمة اتحط اتشيل _ _ _ما اهناكش حال _ _ _ ولاشي تفرحلا ولا ينقال _ _ _ بعد غيبتك يابات هانبيال _ _ _عزيز وطنا تما اليوم ذليل _ _ _ ااااااه ياغيبتك ياباتهم الابطال _ _ _ واااااه يا عدال كل الميل _ _ _ حاله ايبكي كان ريت اتلال _ _ _ والا ريت وادي بي قام وليل _ _ _ وبونجيم تبكي دمعها زلوال _ _ _ والصحراء بكت وحتى انجوم الليل _ _ _ سبحانه اللي عشنا معاك دلال _ _ _ جي اصداف وادي جاه سيل نزيل _ _ _ اتحط اتشيل _ _ _ ما اهناك كيف الصقر بو كميل _ _ _ يا وطن لو ديمة اتحط اتشيل

دام ابداعك احسنتي يافارسه الجماهيريه