انصار الشريعه دمرو بنغازي .. وراح وطنا بين الضنا والغازي

الشاعر اكرم معيقل ..
******************
انصار الشريعه دمرو بنغازي ..
وراح وطنا بين الضنا والغازي ..
بين خليفه وبين جيش بوكه وعصبته وحليفه ..
انصار الشريعه يحللو في الجيفه وانصار الكرامه وضعهم متمازي ..
ربيع العرب عاود وعاود صيفه..
وجاب شوق هم ودم ربي يجازي ..
يلطف الله يا وطنا بخريفه يبدل الحال بحال وانت وازي ..انضلمن قبايل ليبيا الشريفه وربي مع المضلوم ضد الغازي ..
يبو الوطن يقعد كيف حلب وريفه وبغداد يا حفتر ويا حيجازي ..قديش طايرة تضرب وكم قديف وقديش مدني مات في بنغازي ..
واليوم شلقم وين نبكو كيفه كان الدموع تجيب عز اعزازي