شعر...هدية قبيلة الصيعان لي قبيلة ورشفانة الصمود

السلام عليكم
هدية قبيلة الصيعان لي قبيلة ورشفانة الصمود
كـلـمـــــــــات الـشـــاعــــــر : ولـــد_الـصـيـعــــــــــــان
إهداء للخوتنا في ورشفانه :
هادم السبع طبول ماهم لعبه ..
فراسين في الجبهات قصه صعبه ..
هادم اتقولو ازلام ..
وفعلا ازلام الحق ياظلام ..
اجواد من جوايد من تريس اكرام ..
مغاوير مايهابو وحق الكعبه ..
وهادم عربنا نصرة المنظام ..
وهادم الخلو قلوبكم مرتعبه ..
وهادول منهم تحصدو الاوهام ..
ومنهم تجيكم في النهايه تعبه ..
هادي الزهراء ..
واللي نواها ابشر تكسر ظهره ..
وهادي اللي بالفخر نالت شهره ..
وديما ولدها عل زناده يعبى
والمعموره ..
شئتو ابيتو دايماً منصوره ..
وهادي اللي هلها تريس صقوره ..
مايسلمو في الوطن لا في شعبه ..
وهادم عرب لعناد ..
اللي في العزيزيه وفي صياد ..
وهادم جنودك دوم يالبلاد ..
وقداش غازي ركبوله الرعبه ..
ولعزيزيه ..
عرب فعلها مشهود موش شويه ..
حضنتت قبايل في العناد عصية ..
جت فازعة من كل صوب وشعبه ..
هادم السبع طبول ماهم لعبه ..
فراسين في الجبهات قصه صعبه

هادم عرب لعناد ..
الله ينصرهم

رائعة انها تحاكي الواقع........شكرا اخي العربي علي نقلها لنا