‫‏الثني‬ يعلن النفير لـ «تحرير طرابلس»

أعلن الثني النفير العام استجابة لنداء أهالي طرابلس لتحريرها من قوات «فجر ليبيا»، في أولى الخطوات العملية التي تتخذها الحكومة الجديدة لمواجهة خطر المليشيات المسلحة، حيث تقدم الجيش في بلدة العزيزية. تزامناً مع تحرك سياسي موازٍ، إذ أدى وزراء ما تسمى بـ «حكومة الإنقاذ الوطني» غير المعترف بها برئاسة عمر الحاسي اليمين القانونية أمام رئيس المؤتمر الوطني العام المنتهية ولايته نوري أبوسهمين.

وقال مصدر رسمي ليبي إن الثني أعطى أوامر للقوات باتخاذ وضع النفير العام لتحرير العاصمة طرابلس، مؤكداً أن قوات الجيش الليبي دمرت رتلاً من الراجمات كان يتجه إلى منطقة الزنتان.

بدوره، قال مسؤول عسكري ليبي إن الجيش أصبح متمركزاً على مشارف العاصمة طرابلس، منتظر الأوامر بالتحرك لطرد الجماعات المسلحة منها.

وذكرت تقارير إخبارية أن قصفاً عنيفاً بالطيران استهدف مواقع القوات التابعة لـ«فجر ليبيا» في بلدة العزيزية، ما أدى إلى انسحابها وتقدم قوات الجيش الليبي.وأوضح آمر الغرفة العسكرية في المنطقة الغربية العقيد إدريس محمد مادي أن «الجيش الليبي أعلن النفير العام وبداية تحرير العاصمة من الجماعات التكفيرية المسلحة». كما دعا مادي سكان طرابلس إلى الانتفاضة المسلحة ضد قوات «فجر ليبيا» المصنفة إرهابية بقرار من البرلمان، والتي سيطرت على طرابلس في الآونة الأخيرة. وقال إن كل ما حققته هذه الجماعات «هو ترويع الأهالي».

كلام عرب هلوسات ليبي ..
الاربعاء 2014.09.24
الفيل ..
نحسابوا الفيل في المطار طلع الفيل في المنديل !!
وين الــ72 ساعة ووين الجراد اللي في القصعة ووين برق النصر ووين مختار الأخضر ووين المدني ووين الطرابلسي ووين التجكتير باللبوة في حي الزهور ووين الرتل اللي طوله 30 كيلو ووين الانسحاب التكتيكي ووين الجيش اللي حرر العزيزية وهو على مشارف طرابلس ووين الجيش المدعوم بسلاح الجو الليبي !! وين القعقاع ووين الباشق وابن الرومية !!
ووين الواشين ووين الاف القتلى من كتائب مصراتة اللي قلتولنا عليهم في محور المطار والنقلية والداخلية والفروسية في الكمائن المحكمة !!
ووين يا هلال احمر تعال طلع الجثث صنتها طلعت !! ووين المئات من الاسرى اللي شديتوهم من المصاريت !! ووين عشرات الجثث اللي قلتوا ان المصاريت حاطينهم في الحياش ومولعين عليهن التكييف !!
ووين اللي يضرب في الجراد بالملي وجابه في مخزن ذخيرة لمليشيات مصراتة !! ووين غنيوة اللي قلتوا مات والبركي اللي قلتوا مصاب وبادي اللي جاته بين نواظره واحتمال انه نقلوه يعالج في تركيا !! ووين اقسم بالله لم نستخدم حتى 20% من قوتنا !! ووين حرس الحدود ووين حرس المنشآت ووين سيارات النمر !! والمدرعات وصواريخ الكورنيت !! وصواريخ الطابية !! ووين توخيرة الكبش اللي قلتولنا عليها !! مش قلتوا الكبش يؤخر يؤخر يؤخر باش ينطح !! الباين انه وخر وخر لين طاح على ظهره !!! على العموم الكذب في المصالح يجوز لكن مش لهالدرجة
راهي وسعت منكم !! ورد بالكم حد يسب راني نهلوس !!
خوكم كلام عرب ..

علي من تكذب يانيجيري.....النفير علي من