اهداء الى قبيلة القذادفه سكان مدينة سبها ... المنشيه و شبابها الاشاوش الصامدين في وجه شرادم البغاء الاوبااااش...

زهره الجماهيريه
==========
اهداء الى قبيلة القذادفه سكان مدينة سبها ... المنشيه و شبابها الاشاوش الصامدين في وجه شرادم البغاء الاوبااااش... --------------------------------------------
النجع اللى قارع للوباش ..سلاكه كاش ..قفز بغشاش..بجور الجاش..ولاقى الدبابه بكلاش
النجع اللى مطرى بالجود...وعاش اصمود..من الماضى ماهو مجحود...وتاريخه فى راس الهود..بغيضه هاش ..كواين براهن مالجاش..
اولاده مشهورين اصيود...على لنباش..ايجو كيف كتايب لحباش..اللهم ماضى كتبوه اجدود..من سنة احداش ..ابهونوهن لرواح بلاش..فراسين ثناهم مشهود...مشو طشاش ..خبرهم يحكيبا من عاش..اليوم ثمايرهم بشهود..اب لربطاش اطمع غازيهم جاهم خاش..عطوه من الحامى مصهود..قعد دشاش ..اكسر خشمه وفمه والخشاش..ودباباته قعدن نود ..اتقول ادهاش ..ملاويح افغرفة الانعاش
اللى دارو ديرة ليهود.. بحرق احياش .. الغافل والجار العياش..الهم ماباتت نار خمود...البوكشاش ان قربته للنار تواش.. هتايه فى الميدان لبود..اتقول اكباش ..اقمح من غايتهم واعطاش..الهم قائد كيف القنفود ..فلا ماحاش ...طرش قلبه مالفم اطراش ..سليط وفالخبره محدود...بيده ناش ..عليها وهى منه اتواش ..قفزلا خلف الله ابقصود ...عطاه بخاش..فلمحه كي لقطة الفلاش ..فريسه بين مخالب سود...مشت طرطاش ..والخرين اركبهم وشواش ..فراسين ثناهم مجبود ..ومام طياش ..هذوم ضناموسى لحراش..على قل التسليح اقدود.. ايجو دياش ..عالجرح ايجو كيف الشاش...هدوم خلفة فرسان اسود ..ومام الياش ..ولاياثر فيهم ختراش..المنشيه كسرت لقيود ..وماتباش ...بتتبيع اكلاب القشواش