يا أخسارة هذاك الراجل

للأسف :
عاجل في عاجل في عاجل ... شيء إيخاجل ... يا أخسارة هذاك الراجل
- وتبو الصراحه موش تقولولي أزلام وما أزلام :
شهاده نلقاها يا ضان ... عصا تبيلك كيف زمان
- وإن شاءالله :
إيوازولك يا ضان ضناك ... فحل لكن مو كيف هذاك
- لأن :
بين أذياب وبين ثعالب ... ضعتي يا ضان الله غالب
- وما ننكروش :
الوطن فيه مامن كلب ... مقتل الذيب مازال واجعه
- لكن حتى نحن :
رعيانك اليوم ألقطو ... سرايك الراعي اللولي
- وبرضو للتأكيد :
الذيب أمسكوه ومات ... واليوم عيبها في كلابها
- وفكونا مالحركات لأن :
صفير وطقيق عصاه ... كنتي أمعاه يا ضان رايضه
- ونشهد بالله والكل يشهد راه :
علي من تخطر طمعن فيك ... ثعالب من غيبت راعيك
- وتوى كلكم عارفين بأن :
طلع عليك ما من ذيب ... كرس أيام راعيك لولي
- وبرضو حطو معاها :
مات الذيب راق الوطن ... شاخت كلاب كانت ظاله
- والسبب اللي خلاني راقيتلي مالوضع ومن غير مجامله :
مالضان كل يوم أبثنو ... لذياب فيه إيقتلن
- وأزفت ما شافت عيني :
ربيعك اليوم كبير ... ضناك في ضناك إيقتلو
- وسببها :
مشكا الضان مسع جوه ... رعيان كملوها أمناقره
- ونصيحه مني :
السيمه صحيح لهلك ... هبود خلط يا ضان أعزلي
هاللي خدعوك بسيمتهم ... يا ضان ضروري عزلتهم
- فالختام نقوللكم :
الفقد كل يوم إيسير ... دوبين هلك ساكتين يا غلم
وننتظر ردودكم وأسلمتو ’’ أعذرونا فشت خلق بس ’’ لأن :
في عرب عالدنيا غابو ... تبكي تشكي ما ينجابو

الله اكبر يا ورفله نار وما ترضى بالذله,,, ازيدك عز ياااخوي من اجمل ما قرات من شعر بدوي جميل,, الى الاماااام

الذيب أمسكوه ومات ... واليوم عيبها في كلابها

اليوم عيبها في كلابها..................صدقت.................................................................................................ابدعتم ياكتيبة نسور ورفلة......