اختطاف فتاه فى وضح النهار اليوم

رسالة من إحدى الآخوات !

هل وصل بينا الحال في ليبيا الي خطف البنات .... اليوم صارت حادثة اختطاف قدام عيون امي وعيلتي واني القصة هزتني وابكتني بصراحة ......لا ومش هكي بس خطف في عز الظهر وقدام عيون الناس ....اليوم انخطفت بنت في السياحية الساعة 2 الظهر قدام محل حلويات الصفاء وقدام الناس واصحاب المحلات ومفيش حد انهزت فيه شعرة وساعد البنت ....... كانت راكبة في سيارة اطلقوا علي سيارتها رصاص وقفوا سيارتها ونزلوها .... البنت حاولت تهرب قريب 3 مرات وتعيط وتستنجد بي الناس وللاسف مفيش حد ساعدها ... البنت لما شبحت ماما ادافع عليها قعدت تعيط وتشير با ايديها وتقوللها تعاليلي ......البنت محجبة حولولها حجابها وشدوها من شعرها والخاطفين فروخ صغار من عمر 20 -21 ... لما اني قاتلهم ساعدو البنت ديروا حاجة قالولها هادي ليبيا يا خالتي ...... يغني لدرجة هادي ليبيا اصبحت اكبر مقر للعصابات ... اصبحنا مهزلة قدام العالم .. البنت كانت ممكن تكون اختك شرفك وعرضك ترضي هكي في بنت بلادك
https://www.facebook.com/djordhan.natoo?ref=hl

هادي ليبيا يا خالتي
نعم هذا الشعار الذي يرفعونه لارتكاب معاصيهم
كم تتحملي يا ياوطني ليبيا

لا حول ولا قوة الا بالله
لهذه الدرجة تجرد الرجال من النخوة والشهامة والرجولة وانقاذ الفتاة من براثن هؤلاء المجرمين ، لهذه الدرجة اصبح الخوف والجين والنذالة والخسة يسيطر على قلوبنا ، الا يعلمون هؤلاء الرجال الذين كانوا يتفرجون على الفتاة ان الأعمار بيد الله وان كل شيء مكتوب في لوح محفوظ وان من فك كرب مسلم وفرج عنه فك الله عنه كربه في الدنيا والاخرة .

الله يرحمك يا قائد بعد الرجال الذين استشهدوا واسروا دفاعا عن ليبيا اصبح الان في ليبيا اشباه الرجال

يا رب يا الله يا جبار يا منتقم انتقم بقدرتك وبجلال اسمائك من هؤلاء المجرمين الذين ازهقوا ارواح عبادك الابرياء ويعيثون القتل والدمار والفساد والخوف والهزع في نفوس عبادك المؤمنين العزل من السلاح والمغلوبين على امرهم بجاه هذه الليلة المباركة