في ذكرى استشهاد القائد:الشاعر عزالدين ريش على قناة ليبيا24

الشاعر عزالدين لمّا تقرا شعره يحسسك كأنك حضرت جميع الحروب و كانك مع الجيش و المتوطوعين
..........................
الشاعر عز الدين ريش
مدفون وين قولوا يا اقلال الحيلة ،،،
بات سيف خلّوا شعبنا يمشيله ،،،
وين مكانه ،،،
يا من رقصتوا فوق من جثمانه ،،،
خلّوا شعبنا يعرض عليه أحزانه ،،،
يمكن على جدّه الشريف ايشيله ،،،
ياما عطيتوا عهد في ديوانه ،،،
وفي طاعته تجروا بكل وسيله ،،،
وانتم تكذبوا واقلوبكم مليانه ،،،
كلب العدو له راس وانتم ذيله ،،،
والله ،، ما يربح امعاهد خانه ،،،
ولا عاد تلقوا للبلاد بديله ،،،
بات معتصم ماهو جزاه الهانة ،،،
مجاهد ومناضل الله وكيله ،،،
بات معتصم والمعتصم واخوانه ،،،
ما عد ايجيبنهم انسااااء القبيلة ،،،
وبوبكر يونس صاحبه ما هانه ،،،
والصحيح ما ايهون الخليل خليله ،،،
ادّاعوا على سامر رقن نيرانه ،،،
وكل من احصل في دشرهم يا ويله ،،،
موحال كيف يرضوا ليبيا مهانة ،،،
واتريح ريحة العراق شيله بيلا ،،،
وكل من استشهد حي دوم امعانا ،،،
يسلك الثار وما ايموت غليله ،،،