مناظرة شعرية بين علي التواتي .. وصديقه .. علي الهادي . علي خير الليبين الموعود

***********************
على عبد الهادى............
................................................
الخير اللى قالو بيجى.............اوصل والله مازال بعيد.
...................................
على التواتى..................
....................................
ليه عام وعامين بطى
وكل عام ايقولو فى العيد
اطمعنا قلنا ها هو جى
طلع يرجا فى قطع القيد
الخير اللى تبوه ايجى
ايجيبنا دوله وقليد
وهن غابن ما منهن شى
وانى ابقولى ما زال بعيد
.....................................
على عبد الهادى...............
.....................................
قول باهى والعاطى حى
وقول برايا جاى مريد
وقول بينا مازال ايبى
وعام اخر من عندك زيد
وقول واجد ماهوش اشوى
ايبى مرجا ويبى تحشيد
...................................
على التواتى..................
..................................
حتى ان زدتا ما بيجى
سوى عام سوى دهر جديد
هو اهلالا ما بان على
ولهلال اللى ايجيب العيد
فى الظلمه ترجا فى الضى
وهو ضيا طافى من ليد
.........................................
على عبد الهادى....................
........................................
نخاف ايقولو قال على
تعرضله زاد التمديد
توخر مكرا فيك وفى
برك غادى بعقال حديد.
........................................
على التواتى......................
..........................................
برك بين الحاسى وثنى
وهو بكرى حاصل فى القيد
امكتف تكتيف اسطاوى
مقشوط امقند تقنيد
اللى قشطا زيدان على
قرنهن كرعيه معا ليد
كيف تتبوه الخير ايجى
وهو امغقل بعقال حديد
نصبر والعاطى ربى
وهو ديما للضهر سنيد
عليه رامى ثقل احمولى
وفيه ضنى ما ايخيب اكيد
الخير اللى منهم بيجى
يمشو هم وياه بعيد.
................................
على عبد الهادى.......
.......................................
ايقولو طول بعض الشى
وللغايب لعدار اكيد
انراجو واللى قاعد حى
ايخبر كان العمر مديد
على خير استبطا فى الجى
اختصروه فرايا ونشيد
الدوله حطوها ع الدى
وطلقوها من فوق هويد
مشت رابش ما بين ثنى
وحاسى وارهاب جراريد.