الشاعر الوطني الكبير : سعــــــــــد بورجعـــــــــــــه .. في آخــــر قصائـــــــــــده

يابو ثلاث حكايم ،،،، ماعاد حالك تتقيه عزايم ،، ياوطنا .
يابوثلاث وزارا ،،، ويلى عليك الحزن ضارب دارا .
تما مصيرك بين دين نصارى ،،، وبين دين زمره لابسين عمايم .
على جباك ماغابت ولا خباره ،،، كبيره تسمر في منام النايم .
وعلى سماك ماغابت ولا طياره ،،، وماهناك نوع ولا علينا حايم .
على مانخمم ما القيت بشاره ،،، بها نستفاد انقول سا اتلايم .
واحد مهجر فارقوه اصغاره ،،، و واحد مقيم مع ضغا وجرايم .
و واحد يخمم كيف ياخذ ثاره ،،، ولاخر مركب كل يوم خصايم .
عارف من ايده ما بذر بذاره ،،،انكان ماغنم بكره يكون غنايم .
و واحد اشبع يجري على وزاره ،،، ماعد يهمه في امباتك صايم .
كان قلتلي رحنا بلاش اخساره ،،، اسا نقولك ماعد تفيد ندابم .
قدام الفريق وهله والنظاره ،،، في السوق ذبحنا تقول بهايم .