رد الشاعر علي الكيلاني على قصيدة الشاعر نصيب السكوري

رد الشاعر علي الكيلاني على قصيدة الشاعر نصيب السكوري التي حملت عنوان "ياريت تطلق سيف يازنتاني**وتفكك ليبيا من هم فيه اتعاني "..
------
لم اعتد في السابق الولوج إلى معترك المساجلات الشعرية .. لاعتبارت خاصه تأتي في مقدمتها الخشية من عدم توفر الحالة الذهنية والوقت لتلبية طلبات الاخوة الشعراء فيما يتعلق بمشاركتهم لبعض اشعارهم ..غير أن الشاعر المعروف " نصيب السكوري " ومن خلال نص شعري مميز ألقاه مؤخرا مطلعه "ياريت تطلق سيف يازنتاني**وتفكك ليبيا من هم فيه اتعاني " .. تضمن مناشدة لإطلاق سراح د . سيف الإسلام .. وأتى على ذكر "رفاقه عمر " في لمسة تقدير كريمة .. ودعى إلى لملمة شتات الوطن .. واضعا العملاء والخونة في حجمهم .. وسماهم بمسمياتهم .. إزاء هذا رأيت إعداد هذا الرد .. مسجلا شكري وتقديري للشاعر:نصيب السكوري .. على هذا النص الوطني وذكره لي بالاسم مدعاة امتنان له مني .. هذا نص الرد .. وانتظروه مسجلا بالصوت قريبا إن شاء الله ..
الى النص .....
نصيب يا نصيب الله هكي رايد
حاست و حوسها غياب القايد
غاب دليلها
وحاست وبيش تجمع بلاه تبيلها
يا نصيب بغيابه ترداء حيلها
المدششه تعاني تبي الضمايد
وغيّب اللي انمالت يعدّل ميلها
ودايل اللي في مسحها يصّايد
السوس خشها وتفتيتها ناويلها
بعد غاب من حازت عليه لحايد
هلها عطوها العهد ركبوا خيلها
وجوها اجواد وراكبين جوايد
ايام الجهاد الركب مّداعيلها
لين فكها راقت نست الشدايد
وجاها ولد ضوالها قنديلها
وصار اللقاء والمجد جاها عايد
جلا قواعد ظلم تم دليلها
للنهر وردها روت روت بالزايد
ناضت الرجعيه وفاح حويلها
سود النوايا ناصبه المكايد
جابوالناتو عون صاحب فيلها
نصب عماله وظلم فيها سايد
كبرة اللعبه يا نصيب تبيلها
انت خير من جمع اسماء الصهايد
اللي يركبوا مالخلف جيهة ذيلها
من عند شلقم لا الرفيق الرائد
نشقوا مشو لقوا وظلم ليلها
لا حاد عنها ولا نضني حايد
شرد عربها وسايبين عويلها
اخبارهم بدت بين فيس بين جرايد
وهي قولتك نجروا علي تعديلها
وما نا منلي يرقعوا في البايد
تبي طير طايب وينما جليلها
تجي نازله لعينه وعين الصايد
يا نصيب يا سكوري المولى رايد
راحت وريحها غياب القايد