مشاكل جردانية .سميرة الفرجاني

سميرة الفرجاني وزيرة الشؤون الاجتماعية ...
اليوم تم الهجوم على الوزارة وتعرضت للاعتداء والاهانة ومحاولة خطف من قبل عبد الواحد الغزيوي واحمد بودية وكلاء الوزارة السابقين الي تم ايقافهم عن العمل في شهر 2015.5 .. بصحبه كتيبة وجايبين معاهم سجانه للقبض علي !!!!! تتصورو اكثر من 15 شخص بسيارات مظلمة مع الوكلاء ومتعبين ارواحهم للقبض عليا ( خطفي ) والهجوم عليا بكل وقاحه وقلة ادب .. واني مرأه بدون حرس ولا سلاح هههههه مانحساب روحي انخوف ومركباتك الرعب ياعبد الواحد الغزيوي جايبلي كتيبه معاك تتحامى فيها هههههه ... نحكيلكم القصه كامله صح طويله بس نبي انوريكم كيف يتم التغرير بالشباب والكذب عليهم لعدم ثقافتهم وسداجتهم وهذي هي مشكله ليبيا ..واحد مصلحجي كاذب يجي لشباب ويكذب كلمتين يطلعو يتجارو معاه ويهزو في روسهم من غير تفكير ومن غير مايعرفو شنو نتائج عملهم هذا ؟!!!! المهم إليكم القصه ..
طبعا بما انه تم تحويل الوزاره الى هيئه ولم يتم تكليف رئيس هيئة الى الان .. فلازلت انسير في الاعمال الى حين تكليف شخص يستلم مني المهام لانها امانه ولازم من تسليمها لحد مكلف بعدي وطبعا هذا اجراء قانوني معترف بيه .. المهم كلكم سمعتو بالي صاير في دار المسنين ومشاكل المبني وانه اربع طوابق من غير مصعد وانه المقر الي مخصصينه للدار سيطر عليه واحد وقال هذي ارضي وجاب فيها كتيبه .. المهم قررت انه انغيرو انجيبو دار المسنين لمقرالوزاره في تاجوراء لانه ارضي وصغير ونحن ناخذو مقر الدار لانها كبيرة ونقدر نجمع فيها كل الوزاره لانه الوزاره مقسمه كل اداره في مكان لعدم وجود مقركبير .. المهم امس يسمع الوكيل عبدالواحد الموقوف عن العمل لقرابة العام !!! انه بتحول الوزاره وبنجيب دار المسنين ويقلب الدنيا ويتصل بمديره الدار ويتهجم بالالفاظ ويقوللها ماتتحركيش من الدار واني الوكيل واني عندي الشرعيه !!!! اي شرعيه وهو موقوف عن العمل قرابة السنة ؟؟!!! المهم بعدها جي امس للوزاره ويهدد ويتوعد واني الي بنسير العمل وهذي مش وزيرة وخلاص ماعندهاش شرعيه وكيف اتبعو في اوامرها هههه المهم قالوله انت موقوف عن العمل ومش حنقدرو انديرولك شئ الا إذا جبت تكليف من رئاسة الوزراء وهذي مازلت وزيره وتسير في الاعمال الي ان يتم تكليف حد اخرمن رئاسة الوزراء .. المهم قاللهم بنمشي تو لرئاسة الوزراء .. المهم مشي لرئاسة الوزراء امس لم يتحصل على شئ لانه اولا موقوف عن العمل وثانيا انه الوزاره تحولت هيئه والهيئه مافيهاش وكلاء .. فجن جنونه ..
فاليوم وانا في اجتماع رسمي للتجهيز لبرنامج لدعم الاسر المنتجه والشباب العاطل بمشاريع مع البرنامج الوطني للمشروعات الصغرى المتوسطه )) يدخلو عليا فجاءه مجموعه في البدايه عبدالواحد الغزيوي وكيل الوزاره المطرود و3 رجال ومعهم مرأه وقالولي نوضي معانا انت صادر فيك امر قبض هههه وجتني تجري السجانه وقالتلي نوضي اطلعي معانا وناضو ايعيطو عليا ويقولولي اطلعي معانا فيك امر قبض قلتلهم هاتوه وينه قال عبدالواحد الغزيوي عندي قلت له هاته انشوفه .. المهم السجانه خطفت موبايلاتي من على المكتب وعبدالواحد الغزيوي سرق الختم من فوق الطاوله ..وقعدو ايقولولي سلمي عهدتي وهاتي مفاتيح سيارتك .. وهو يصيح يقول اني الي بنسير الوزاره اني الشرعي وهي كاتبه على صفحتها وزيره سابقه شوفوها هههه باهي اني كاتبه وزيره سابقه لكن مازلت انسير في الاعمال لحد تكليف حد مكاني انسلمله الامانه . .. مسيكين غبي .. ويصيح وانتي اتسبي في الحكومة ديما.. المفروض يتم القبض عليك ههههه وشوفي شنو تكتبي على صفحتك .. انتي ديما تكتبي على صفحتك ؟؟!!!! زعمه العيل واجعاته كتيبتي على حكومة السراج ؟؟؟؟!! المهم ماعلينا نرجعو للموضوع فجاءه ويتعبى المكتب شباب الي عسكري الي مدني والي بشبشب والكل يعيط سلمي مفاتيح سياراتك وهاتي عهدتك وهو يعيط طلعوها ماتخافوش منها ماعندهاش الحصانه !!! المهم صياح وهرج ومرج وشئ يقرف .. والي يقهر في كل الامر انه الكل مغرر بيه ويهز في راسه ومش عارف شئ الا انه قاللهم تعالو جو يتجارو .. ويقوللهم خلاص حولها رئيس الوزراء اهو اسمها مش في الحكومة وهم ايه ايه مهناش اسمك !!!! سبحان الله قلت له انت قانوني واتقول هكي ؟؟!! والمساكين يهزو في روسهم في جرته بدون فهم والله سخفوني بجديات لانه مش فاهمين شئ وهو يجري بيهم المساكين فيهم الي بان عليه ولد عيله بس غبي يناري !!! وطبعا معترضين على تحويله الوزاره من تاجوراء واحد قعد يعيط عليا علاش تبي اتحولي الوزاره من تاجوراء .. قلت له نبي انجيب دار المسنين العزايز والشيابين مقرهم حاله فحط راسه في الارض ماردش ... المهم قلتلهم خليكم رجاله وتعاملو معاي كرجاله ناض واحد قالي احني رجاله شنو مش عاجبينك ههههه من غباءه مافهمش شنو معنى كلمه رجاله .. مسكين مايحسابش الرجوله اخلاق مش اسم .. لانهم للاسف ذكور لانه مافيش راجل يجي يهد على مرأه في خدمتها بهذه الطريقه الحقيره ..وناضت السجانه الي جايبينها معاهم تبي اتفتشني بالغصب اتدور في مفاتيح السيارة ومدت ايدها تحساب روحها بتقدر تضربني .. فخذت ماكتب ربي ههههه تي كان غيرها اشطر وحده ساذجه غبيه جايبينها معاهم واتعيط تحسابني لقمه سائغة ..جو رجاله كبار مانعرفهمش طلبو مني الخروج بيش مايكبرش الموضوع .. وبعد جدال طويل طلعت وروحت مع احد الموظفات .. وبعدي سرقو مفاتيح المكتب .. وقبلها عبدالواحد سرق ختم الوزير ... المهم خلاصه الكلام هذه هي عقليات بعض الوكلاء عباد المناصب والي يجرو على التمشيط والخنبه .. وهذا احمد الغزيوي خريج جامعه وقانوني واحمد بوديه محاسب ... كان هذه عقليه المتعلمين كيف انلوم المجرمين وخريجين السجون .. ؟؟؟!!! للاسف لن تبني ليبيا ابدا بهذه النماذج النتنه ..
وانقوله لو كنت راجل يا احمد الغزيوي او يا احمد ابويه كنتو خدمتو صح لمن جتكم الفرصة لكن فكرتو في السيارات المصفحه والمرتبات وتبو الامتيازات والواسطه والمحسوبيه .. ولهذا السبب طردكم من الوزاره وقفتكم عن العمل لاارضى بمرتزقه يشتغلو معاي .. اني نبي ناس تخدم ليبيا مش اتمشط ليبيا ..
المهم نبي من ثوار ومن رجال تاجوراء النظاف يأخذولي حقي من المرتزق عبدالواحد الغزيوي قليل الادب الي هد عليا اليوم بكتيبه .وكان يبي يخطفني هو والبنت الي جايبها على اساس سجانه
ونبي من ثوار يفرن النظاف يأخذولي حقي من احمد ابوديه قليل الادب الي جاي اليوم يتهجم عليا بالالفاظ ويطول في لسانه بكل قله ادب .. والغريب الزوز خايفين مني واني وحيده من غير حرس .. وجايبين كتيبة اكثر من 15 راجل ومعاهم بنت والله ماكنت نحساب روحي انخوف لهل الدرجه ... يعني لو كانت فيهم ذرة رجوله كان جو على الاقل بروحهم وطلبو مني الخروج من الوزاره . لكن هذوم مش رجاله .. وانقوله والله العظيم ياحمد الغزيوي انت ماتسوى التراب الي اندوس عليه وانت عارف هكي ولهذا جاي متحامي بكتيبة .. لانك عارف انك ماتقدرش اتواجهني وسبق انك واجهتني انت والوكلاء وطلعتو بخفي حنين .. المصيبه قالك انه الوكلاء من ترشيح الثوار !!!! هل هذه ترشيحاتكم ياثوار بلادي .؟؟ البلطجي والخسيس وقليل الادب وعديم الرجوله ..
انشروها ليعلم الجميع من هم هؤلاء الذكور ...
المهم مانشر على النت انه تم خطفي غير صحيح .. نعم كانت محاوله بخطفي من قبل الوكيل الفاشل احمد الغزيوي والتافه احمد ابودية ..