انه يوم الفخر بالشهداء ...19/3/2011

انه يوم الفخر بالشهداء ...19/3/2011

هاين روحه ... فسبّا وطن داغر في جروحه ... فازع لها جبران.
هــــــــــــــــــــــــــــــــان حياته ... فسبّا وطن فازع لي نجاته.
تقولش خو جارد لخـــــــــــــــواته ... يالبّيه علاّها صيوحه.
قال الوطن بانن حايكـــــــــــــاته ... عليه دول تتكالب نبوحــــه.
قال الوطن مايدوسوا وطاتــــــــه ... لين الله يقبض ليه روحه.
دعس برجال صيفتهم صفاتـــــه ... صنعو مجد علّوهن صــروحه.
في التاريخ بابه داخـــــــــــــــــلاته ... بعطر الورد وبدماهم تفوحـــه.
فبن جواد ردّوله هنــــــــــــــاته ... وفي لانوف عزموهن جموحه .
وشرقي بشر رجعتله زهاتــــــه ... ووين حضر طلبوها السموحــه.
جابو الحلف حطّن طايراتـــــــه ... وجي بقرار مكشوفــــة طروحــه.
قصف جبران وقّف سايراتــــه ... بين شهيد بين خطرة جروحه.
ومنها الوطن راقد في سبـــاته ... نوم عميق متوسد بلـــــــوحه.
ومنها الوطن زايد في شتاتـــه ... بين أسير ومهجّر نزوحــــــــه.
ومنها الوطن فرّط في وطاتــــه ... بين أتراك وإمــــــــارة ودوحه.
ومنها الوطن قلّة صادراتـــــــه ... نزح النفط متوالي نضوحـــه.
ومنها الوطن كثرن غادراتــــــه ... وفي كل بيت تسمعها نيوحه.
ومنها الوطن وضحن طاغياتــــــه ... غير القتل مايعرف صفــــــوحه.
هذا الحلف هاللي طالباتــــــه ... ذوقوا لين تكلاحو اكلـــــــوحه.

اعزاز خاطرين اليوم بمهاياته ،،، ياعين قجي ف 3/19.

19 مارس يوم نكبة العرب
يوم غزو العراق 2003
يوم غزو ليبيا 2011
انه الزلزال الذي سيطرق كل الابواب المحصنة
إنه قيامة الحقد .. ووحشية البشر
وسندفع جميعا الثمن وبلا إستثناء
أعتقد ان كل بيوت العالم من زجاج
إنتظروا الشظايا وما صنعت مؤامراتكم
الحقيقة الوحيدة التي يجب ان ندركها إن هدف الإبادة
هو الانسان العربي ومن يملك ( هوية )
تتحدى الاستعمار والرجعية
التي تختفي خلف محراب الاسلام ( تقية )
....................................,معاوية....