الشعراء الوطنيين من الشرق والغرب والجنوب الليبيين_الوطنيين

غرفة عمليات المقارحة
..........................
الشعراء الوطنيين من الشرق والغرب والجنوب
الليبيين_الوطنيين
امير بوغراره يقول
ناس فارحه بقدوم بولوا_سيرا ..
وناس لاجل بن_نايل اتكح ذخيره
ناس فارحه بالغازي
الكافر اللي سره قديم و نازي
مكار طبعه في التريس يوازي
من قبل يشنق ف القليد الخيره
اللي احفادهم بسلاح في بنغازي
من كل المداين زاحفين ب غيره
سمعوا خبر فكة سراح كوازي
فرحوا عليها وفارحين لقيره
هذيم هم اللي تقدر اتقول اعزازي
و لا بينا يربط نسب لا جيره
( اما )اللي جدهم يحلف براس الكازي
اليوم يفرحوا بقدوم بولوا سيرا
واقفين صف ولبسهم طربازي
تحيه الواجب عاطيين كبيره
خطرها الا صوره العقل اتمازي
خلت مزاجي منقلب تاثيره
لشاعر سكن جوفي عطيت اعازي
دار كل ما نبي و كثر خيره
مشاركة الشاعر بن_هلال_الرياحي
كل حد من يالاه ....
مشغول ويغني على ليلاه ...
ومامن اخياب ايفسره معناه ...
انسان حي بايع من زمان
ظميرا
التاريخ ورا غير من يقراه ...
أرشيف واظح فيه شوق نكيرا ...
ناس للصليبي هاتفين وراه ...
ريت ماايديروا امذهبت هاالشيرا ...
وقداش بندروا للبرنار ما يغباه ...
عليه حلقوا طقوا عليه السيرا ...
وفيه من فزع صور أمعاه ضناه ...
تذكار يرسم للشرف والغيرا ...
وفيه ناس دون الوطن دوم افداه
مادنقروا في وين قالت ذيرا ...
ومازال يعطوا كان صار نداه ...
فراسين ركابه علي القنتيرا ...
واليوم حفلهم زاهي بطيب نباه ...
بيهم زهت جلوة براك وقيرا ...
هني ليه بن نايل شهير اسماه ...
فارس امعنا من أقطاب عشيرا ...
مشاركة الشاعر امحمد لامين
ناس فارحة ب روما
وناس فارحة ب رجال عز اللومه
شتان بين العايشين خصومة
الطليان ما يسوو اسماح السيرا
صيور اتلاقى كل حد بقومه
وكل حد عنده راي له تدبيرا
نهار المنحس حق هذا يومه
نهار المعنقر فيه بان نفيرااااا
الحر حر ديمة ومن يعادي بومة
والحر من يحفل بمحفل قيرااااااا
الشاعر عثمان سالم Otman Salem
ناس فارحه بالذله
وناس هاربه وعن دينها أتخلى
جت فارحه من كل دين ومله
بالك بعد ذله ايولوا خيرا
ورأس رأسك يا أمير تعلى
وطنا بيهم اسماح السيرا
لكن بعد راحوا علينا خلى
ايشخوا عليهم عيت بو برطيلا
مشاركة الشاعر محمد لامين غيث Mohammed Alameen Ghaith
ناس لاقت السراج
فارحين داروله هراج مراج
بالك قدومه ينبنن الابراج
في بالهم ما قارنوه بغيره
وهو كالديك اللي لقى الدجاج
ينقز ويجري في فضاء الحضيره
والا كما زرزور في كوراج
محصل جعبه وعاجبه تصفيره
والا حشاكم كا جنا الاخراج
جحيش في قفا شلاق قاصد بيره
هذي ناس ديما مخالفه المزاج
كيف ما تخالف فالحوار بعيره
ردحوا فسنة احداش عالميراج
ومازال يردحوا ويكبروا تكبيره
هاذيم يا صاحب عقاب نعاج
ماهم سواء لامجادنا الشهيره
مرضهم خطير ومالهم علاج
الا الموت ما تقلكش فيهم حيره
على قولهم مأسور جاه افراج
بن_نايل كبير ومن اجواد القيره
صقر الخلاء ما يرومهن الابراج
وكانه حصل ما يفرحوا بتأسيره
هذا الوطن حطه فوق راسه تاج
فارس وربي فالامجاد نصيره
وان شاء الله على دربه نشوفوا افواج
ويزهى الوطن ونشهدوا تحريره
ويبان من علق فصدره باج
وسام للبطوله وما طلبش الجيره
والايام ما تاتي الا هبة جيوش جموعنا الغفيره
فراسين سبق دايرين عجاج
وراهم الفرحه بارقه ومطيره
ناس فارحه بقدوم بولو سيرا
وناس لاجل بن نايل تكح
ذخيره