المصور ابراهيم العقوري من الاخير ما حد يجمل علينا بالثورة الفاسدة ولا ايديرنا ازلام

المصور ابراهيم العقوري
م الاخير ما حد يجمل علينا بالثورة الفاسدة ولا ايديرنا ازلام
هذا نا على قناة فرانس 24 يوم 18/2 فبراير نسب في معمر لما كان مغرر بي قبل نتوب ونرجع لله ونعرف الحق ونجي للطريق ونقتنع انه معمر ارحم من الخمج اللي توا
اغلب اللي كارهين عهد معمر تو ويقولك كله من معمر
يحكو علي فلوس وماديات
أهيا بين قوسين
(( اللي يرزق ربي ويغني ))
لكن نحنا نحكو في عهده عمره ما طق فينا واحد والسناكيح كان عافس عليهم وكلاب السلطة اللي توا
وما يجيش شورك اللجان الثورية ولا جماعة معمر الا من احتك بيهم وخش في خويط معاهم وفسدوه
علي قولة سي يادم اليوم
تقرب الضي يشلطك
المهم تو الواحد متوقع في اي وقت يا ينخطف يا تجيه قذيفة
يا يخشو عليهم الدواعش الكلاب
يا تريح في ديموم التاييد لاي طرف
يا يفكر زعمه الضي ولا المية يقصن اايوم
زعمه الخبزة مافيش طوابير عليها زعمه الغاز جا ولا
زعمه الدقيق نزل ولا المرتب جاي ولا مطول وكان جا زعمه نطقو في طابور المصرف وكان طقينا في الطابور زعمه يوزعو خمسمية ولا ميتين ولا نسحبو عالحمر
ما يطلق عليهم الازلام مهجرين خارج ليبيا تاورغا قاعدين لا تهنو شتاء ولا صيف ( ليبيين) حارمينهم من حقهم ومطبسين وقاعدين ذيول لكل من ( الامريكان والطليان والانجليز وحتى القطرية )
ارحمونا الزح وبطلو استحمار واقتنعو وارجعو لعقولكم وادميتكم كان مازال فيكم دم
نسأل الله يجيكم كل اللي راضيينه علي تاورغا وتتليعو تلييعة المهجرين وتلييعة كل ام فقدت ولدتها في الثورة السودة النودة
لا إله إلا الله
وحسبي الله ونعم الوكيل
.........العقوري