#‏سلسلة_شعرية_تحكي_حال_الوطن‬

النجع اللي فيه طوابير ،
وفيه بنابل ملظومات
مشى عمره فات تغصوير ،
يعسعس قدام الشيلات
الشعب اللي يرجى في الخير ،
شوي جاه الهم شوالات
الشارع يا فيه اماطير ،
اطرطر بالحان شجيات
النو اللي انزل في الطير ،
شواها فوق الشوايات
الخير اللي كان بعاتير ،
رحل من عام احداش وفات
وخلاها تردح للغير ،
ودالن فيها لعقالات ..
‫#‏الشاعر_عبدالسلام_بلحاج‬
من مساعد لا راس اجدير ..
ومن قوز التيك اليا غات
وداس افلوسه في الشخشير ..
وجا فايت عالبوابات
يخلص روحه بالتكبير ...
مع اللحية والباطاقات
يروح للبيت على خير...
يلاقوه بعشر انذارات
عليه ميه من اقساط البير ..
وميتين لهالجمعيات
‫#‏الشاعر_امير_ابوغرارة‬
هذا واقع ماهو تحكير ..
ولاهو زيف ولا اكذوبات
قبس وادينا شي كبير ..
وبالحاج فزع له بابيات
حي الله اقروم مشاهير ..
فنوا ولا شافو هالغصات
وخلونا في حال خطير ..
كبايا ما بين الازمات
الا الجلوه ما فيها خير ..
الجار يهينك في العازات
اللي قبل جميلك ع الغير ..
اليوم عافنك هالعفنات
ان كان اخطيته راس جدير ..
ايجيك " افرح بيا " بعشرات
اتعد وتدفع خط السير ..
وتدفع تصبح وتبات
وفي الشارع تنهان حقير ..
اولاد يسبوا كيف بنات
وهم سر اساس التفجير ..
جهاد نكاح وتفجيرات
وفيهم فطار وسكير ..
وزاني بين الخمارات
عليهم ما علنوا النفير ..
وهم لبلاد الغير حماة
الحره كان نوت تزرير ..
البيت بزربه ليها بات
وما خطر هالمخاطير ..
الا واقع فيه امرارت
بتخطيط ايهود وتمرير ..
علي يدين ذيول اجندات
وتقسيم المال علي الغير ..
وبيع صكوك استثمارات
وتقسيم الوطن وتكسير ..
مربع ما بين امارات
‫#‏نجم_سهيل‬
طوابير النجع المبيوع ....
اقدم لا ما هنش جديدات
ايام قرسياني بخنوع ....
اصطفو و ماهنش بعيدات
الماضي بالحاضر مجموع ....
و متواصل الاحداتيات
هدوم هما راس الميضوع ....
اللي ليهم هالنهايات
احفاد اللي هارب مفروع ....
اقباله ماهمش وجاهات
عمالتهم ماهي بالطوع ....
الا ورته من جد و بات
انكان البنبل فيه اقطوع ....
يا مبها زين الحطابات
و لا ماطور ايريد اولوع ....
اعطاله بالكاد عديدات
و لا سامر في وسط انجوع ....
ايدلو فيه الذّهابات
خلي خالي فيهم ميجوع ....
الحال ابعد تقاصو و العوم اشرد
الله غالب يا خوي ابعد ....
الحكم نفد عليهم و الشين
النجع اللي كانوا في خير....
اسياده لكن مايدروش ..
بعد قاسوا تلذيع الغير...
وجتم داعش جي وحوش ..
وجوهم لخوان طوابير...
ولعبوا في باقي لقروش
وركبوا فالدوله تدمير ..
وطاح ابناها حوش بحوش ..
ولا لقيوا منشق يغير. ..
ولاثاير يندى ويجوش ..
اتخذوا طاحوا في محضور ..
وتما شايبهم بكوش .
اللي قبل ايهدر تهدير...
ويدعم في صف المنقوش ..
ويفتيله هذاك الطير ....
اللي حتى ذيله منتوش ..
ودرع الوسطى فيش ايدير....
وداعش تلعب عالمفروش..
ولجنه الامنيه والغير...
.ومجلس حكاماء الغوش ..
وحمله قالوا حملة خير...
وهو ثار وطرفه مغشوش ..
وشي واجد مازال ايسير وماله حد ...
اعشم فيهم هضاك الجد..
النجع اللي كاين مليان..
.وصيته عالي بين انجوع
اليوم ابدي كيف الشيشان...
واصل حدا فيه الجوع
النجع اللي أمبجد بالخير..
اطرطش ما تلمه العيطات..
اللي ناسه نزحوا للغير ..
هتايا في كل بلادات..
الله يرحم بو جرد غزير ..
رحل منه خلاه أشتات..
يشالي فيه كبير صغير ..
وينك يا بات العيلات.
الحقنا راهو الحال عسير ..
الليبي ماليه كرامات..
يشحت وامطاطيء للغير ..
يلاجيء في كل مكانات..
الله يرحم سيده الكبير ..
رحل خلانا للغصات..