يسترجل على بنت ليبية بمجلس تاديب و فصل من العمل و قطع رزقها بسبب كلمة.

مصطفى صنع الله يسترجل على سيدة ليبية قالت كلمة حق في وجه مدير لص.
القصة
موظفة و سيدة ليبية تعمل في المؤسسة الوطنية للنفط , فاض بيها و عبرت عن رئيها في وجه مصطفى صنع الله , " نبو حقوقنا و مرتباتنا كاملة و انت مكملها سفريات و مهمات عمل "
في وقفة احتجاجية في الفترة الماضية بخصوص منحة الأرباح السنوية 750 دينار, الوقفة من قبل الموظفين في المؤسسة الوطنية للنفط طرابلس افحماته موظفة بنت طرابلس اسمها "غريبة" تخدم في مركز التطوير الفني التابع للإدارة العامة للقوة العاملة في المؤسسة الوطنية للنفط .
الحوار
غريبة * نبو فلوسنا 750 دينار منحة الارباح
صنع الله * قال معنديش باش نصرفهم لكم
ردت عليه غريبة
160 مهمة عمل خلال في سنة 2015 إلي 2016 شهر 4 , كل مهمة عمل و كل سفرة 5000 يورو و قاعد تطلع لاتوا شبه اسبوعياً و معندكش 750 دينار للموطفين و قاعد كل يوم اتسافر من وين؟؟؟؟

كان رد و جيه منها و لاكن كانت ردة فعل صنع الله ملاحقتها بتهديد من قبل بعض المأجورين و كلاب الدم و تم فتح مجلس تأديبي لها في الإدارة القانونية يبي يفصلها من العمل

باقي اللي دايرين اشنابات في المؤسسة بالله حلقوهم استر لكم , الرجولة موقف مش كلمة فى بطاقة شخصية .
تحية وطنية لكل سيدات و بنات المؤسسة الوطنية للنفط طرابلس

الرجوله ماتت للاسف

الفرج قريب

ان شاء الله لانقنه الناس فدت وتعبت خلاص الموضوع وصل الي قوت صغار الناس معاش عندهم مايوكلو صغارهم هل تعلم ياخوي ان فيه صغار في الصف الاول والتاني والثالت يمشو للمدرسه من غير فطور لان اهلهم ماعندهمش فلوس علشان يشر بيض وجبنه ياخدو معاهم في ميه بس وحسبي الله ونعم الوكيل في اللي كان السبب