ما عليك من لوم ياحفتر

ماعليك لوم ياحفتر
خليك ياحفتر . ماعليك مل لومه --- هذا بحر هائج . يصعب عليك تعومه
مو تدفيس
هذا بحر يبي ليه تريس اللي يدخله يعرف كيف ايعومه
اسأل البريقه . يوم حمى الوطيس كيف القتال تعلم خوذ علومه
يومها الصقور نازله تقنيص على كل خائن نازله على خشومه
لا يعرفوا السرقه ولا التنتيش جيش دوله والقياده عصومه
لا نكسوا ولا يعرفوا التنكيس ثمانيه شهور صادين هجومه
مش كيفك تخنس . من بعيد تخينس تقول طفل مخلوع . نط في نومه
والا دجاجه تحتها فلاليس مش قادره تحميها ترد عليها البومه
وين صدام قول ياعتريس ليش مختفي وين راحوا نجومه
راهو القياده . ياناس تبي تريس يكونوا اولادهم . مع الجيش عند قدومه
خليك ياحفتر بلا تدليس ماهو مخصص ليك . القتال وعلومه
حتى المعيز ترفض . تكون ليهن تيس لابال الرجال . والله مو مهضومه
يبقى الرخيص دوم رخيص حتى انكان لحظه تعلى سومه
ويبقى النفيس دوم انفيس حتى ان غابت علينا علومه
هبوب الريح