إنّ الشعوب لا تنسجم إلا مع فنونها و تراثها ...!!

قصيدة من إرشيف ملحمة الوطن
عندى كبار إتقولى شن درت
وعندى إصغار إتقولى كيف صار
تكبر إتكبر هلك كان إكبرت
و بفعلك إيظلوا فى العيون كبار
شبحك إيكون بعيد كان نظرت
ولا تكون يا صاحب خطاك إقصار
وما تقول فى الميعاد درت ودرت
خلها الناس. إتقول دار و دار
ولا تنتفخ ع الناس لو إنشكرت
يندا ولد الأجواد من الشكار
لا تقول حاصل لا تقول إعبرت
ولا تظل ديما ناقلك تيار
لا تقول رابح لا تقول إخسرت
إيجيك بُو مغازه قاصدك ميار
ولا تقول عاجز لا تقول إقدرت
ولا تقول عقمن و الأيام إعشار
ولا تقول طاب العون كان إبحرت
أوقات فى دقيقه يقلبك تيار
لا تقول عظميٍ صب لا إنكسرت
العظم المدشش يلحمه جبار
ولا تقول فارس خيل لا ديرت
إيدور الفلك و تحتاج لي بوحمار
ولا تقول راقى لا إتقول إحدرت
ولا إتقول عاطيني الزمان و دار
كُله إمقدر ما إتقول إخترت
إللى قالك في الهم ما تختار
توجه لي وجه ألله كان إحترت
إللى. متكل ع ألله ما ينهار
ولا تقول خليت لا إتقول إعمرت
إيجيك الفرج من الواحد القهار
=بلادنا_و_نحن_فيها_لن_نتركها