كيف العادة .... اونا عالوسادة دمعتي بدادة . وانتي شريط ايمر

كيف العادة .... اونا عالوسادة دمعتي بدادة .
وانتي شريط ايمر
ماغلا منك غالي .... ياطيف مافارق نهار خيالي .
ما شغل غيرك لي شاغل بالي .... انتي هواء قلبي اوماة اوزادة ..
انتي غلاا من مالي اوزاد اعيالي .... انتي عشق راسخ مستحيل ابعادة ....
انعدي نهار اوفيه مايلفالي ... ماينحسب ماالعمر ياودادة .
يامن ارضاك علي سر دلالي .... ياعشق مني سالبه الايرادة .
تعالي عليًا كيف ما أتعالي .... انتي مطلقا عندك علي سيادة .
يامن مقامك فوق ديمه عالي .... انتي غير قولي رقبتي سدادة .
انتي امعاي في اسكوني اوفي ترحالي .... القلب ساكنه جوى اعروق افوادة .
غاليه اوغيرك ماغلا يحلالي .... للي يعرفوا قدرك غلاك اعبادة .
انتي نور عندي كيف قبل اوتالي .... مهما الليل ايطول بيه سوادة .
امام هيبتك ماهن اقوال اقوالي .... ضعيفات مايسون امغير اصرادة .
علي محبتك يشهد الله العالي .... ماانريد من غيره جزا وشهادة .
اونا انشوف في حالك ايصيف اقبالي .... كيف عد ايجيني نوم فوق اوسادة..
اوما من مسامي حالهم كي حالي .... شربوا علي شانك المرة صادة .
اومامن شريف اوكم شريف اهلالي .... ضحي علي شانك ابخير اولادة .
اوماتعيربي كوني انسان اموالي .... لامستفيد اولاطلعت ايفادة .
انقولها اومانخشي امغير الوالي ... اليوم لاكرامه لاهناك سيادة .
في مامضي كنتي علم علالي .... من رغم واجد فيك من قوادة .
تشخيص حالتك صدق الله مقالي .... اللي قلتة صارة ان موش ازيادة .
ماسيرتك بالعيب يذكر والي .... ايام اوكبير النجع فوق جوادة
هذي حقيقه موش نسج خيالي .... كل شخص يتبعها طريق اجدادة .