عاجل :قبيلة ورشفانة ترسل تحذير الى قبائل ليبيا

امس بن وليد واليوم ورشفانه .... يابيت العرب ياخاربات أركانه
يازنتان ... كلامي موجه موش قول لسان ... هلي غذاه بخوك في الميدان ... بيكم عشاه وما تقولوا خيانه ... عقب الأتراك وعقب للطليان .... طابق ورا طابق ايبوا مسلانه ....
امس بن وليد واليوم ورشفانه ... يابيت العرب ياخاربات أركانه ... ياصيعان ... خوذوا الحذر ماتامنوا من خان ... راهو خبر واجد اليوم ايبان
... ماهوش درقه في السما دخانه ... صف البحر ومالهمش أمان .... ناويينكم نوية إقلال ديانه ....
امس بن وليد واليوم ورشفانه .... يابيت العرب ياخاربات أركانه ... ياترهوني ... ماتقول شن دخلي وهم فاتوني ... ولا تقول مصراته أحباب يجوني ... بتاخذ نصيبك كيل من الإهانة ... نهار يوصلوك نقصر وتقصر دوني .... مكتوبهم واضح ومن عنوانه ...
امس بن وليد واليوم ورشفانه .... يابيت العرب يا طايحات أركانه ...
يابوعجيله ... ووريمه وبن نايل وكل قبيله ... واصيبعي ومشاي لا بوقيله ... ومزروعي وحسناوي شهير مكانه ... وارياحي جلاوي سكنته في اعسيله ... راكم بتبقوا في حياة تعبانه ....
امس بن وليد واليوم ورشفانه ... يابيت العرب ياخاربات أركانه ... يا سليماني ... وقذافي وحتى انقول يافزاني ... خوذوا كلامي وللكلام معاني ... ناويينكم لين يغلبوا الدفانه ... وعماري ووافي وهيه يامعداني .... عقب الأتراك كارهينا مبدانا
امس بن وليد واليوم ورشفانه ... يابيت العرب ياخاربات اركانه ... يا غريان ... حتى ايقولوا مالكمش أمان ... لكن نصيحه لربنا الرحمان
... راكم فوسط عرب كونوا معانا .... طفح كيلها والثقل ع الميزان
.... وكل عشب ما ينبت الا فمكانه ....
يابوسيفي ... ويااصيبعي ورجباني ويا السعيفي ... ماهوش من عندي مزيفه تزييفي ... للخلف انظر تاريخنا ورانا ... راني حليفك وانت تكون حليفي .... مايوم سلوم العدو تلقانا
كل قبيله ... من اصل العرب تاريخها ترعيله .... وتشوف ها الخبر شن تاويله ....مخطط كبير لاتراك هم عنوانه .... كان ماتضموا الصف شينك ليله .... على كل عربي وين كان مكانه
امس ورفله واليوم ورشفانه ... يابيت العرب ياخاربات أركانه... يا اولاد اخريص ... وهوني وشريفي ماتقول خصيص ... ماني قليل العرف شوف وقيس .... تاريخكم ما أنعلت عليه خيانه ... وتارقي وتباوي مايقبلو التدنيس ... ضموهم معاكم حق هم يالانا
امس ورفله واليوم ورشفانه ... يابيت العرب يا طايحات أركانه ... ياسعادي برقه... انتم قبل فزاعه نهار الشرقه ... معقوله تخلوا الوطن للبشمرقه ... وتقولوا احنا مانحملوا الاهانه ... راهي اليوم ماعاد فيها درقه ... ليبيا للعرب وإلا لشيشليانه
امس ورفله واليوم ورشفانه ... يابيت العرب ياخاربات أركانه