ياليبيا سامحينا .....نحنا كسرنا شوكتك بيدينا

الشاعر : سفيان بوطيغان

ياليبيا سامحينا
نحنا كسرنا شوكتك بيدينا
فيـــــــنا الخطا
نحـــــــــنا درنا
ونحنا معانى صورتك كسّرنا
... ونحنا خطاوى ثورتك وخــرنا
وواجد جرحنــــــاك وماداوينا
وكل مابنيــــنا للأسف دمرنا
بدينا البداية غـــــير ماأنتهينا
وفيك الصــــغيرة حالها كبرنا
بعنا وصيتــك للأسف ونسينا
بعناد قلنا روسنا ســـــــكرنا
وواجد ظلمنا وبالـــــكلام أذينا
جرينا وراء ألفيـــــــــننا طوبرنا
وحتــــى الإغاثة كذب ماخلينا
قفلنا شـــــــــوارع مالنا دورنا
ظلمنا ظلــمنا بظلم ماأكتفينا
الصورة قلبنا والأكيد أخسرنا
وحتى السجون الفاضية عبينا
ولك نعترف ياليـــــــبيا دهورنا
ولك نعترف ياليبيا المســكينه
واجد شكيتـــــى غير ماعبرنا
فتنا كلامك والســـلاح شرينا
وعدت الثورة عكــس ماأصورنا
وأكبر خطانا ذيابنا حــــــــطينا
رينا خطاهـــــــم بالكلام صبرنا
وأكبـــــر خطانا للأسف مشّينا
لاطـــــــــــــــوروا لاحالنا طورنا
لاهيبـــــــــــــــتك لاأمننا ردينا
وواجد سكتنا المستشار عذرنا
وحتــــــــى ظنون السو ماظنينا
وواجد ســـــــمعنا والدليل نظرنا
وبأفعالنا ياليــــــــــــــــبيا عانينا
وواجد كســـــــرنا كسور ماجبرنا
الواضح أنســــــــينا العهد ماوفينا
وأحنا بديـــــــــــــــــنا نارنا وكبرنا
ألمك نظرنا غيـــــــــــــــر ماطفينا
وأكبر مشاكل حالنا صّـــــــــــــغرنا
وليش ماتعبنا ليـــــــــــش ماكدينا
قدام الأجانب صــــــــــــــورتك غبّرنا
وفيك الشـــــــــوائب للأسف حطينا
كرهنا بعضنا قيـــــــــــــــسنا ونغرنا
وحبل المودة بينا فـــــــــــــــــــكينا
الواضح الواضح بالشـــــــــــعور كفرنا
سكرنا سكرنا نين ماأنتــــــــــشينا
الواضح كبر شــــــــــــــيطاننا وغررنا
لاجل ف بعضنا اليــــــــــــــوم ماحنينا
نغزنا طعنا حالتك شــــــــــــــــحورنا
وعورة الدولة اليوم ماغـــــــــــــــــطينا
وزدنا الضغينة بينا ونفـــــــــــــــــــــرنا
ودرنا كمائن بيـــــــــــــــــــــــــنا وتينا
سبحان ربـــــــــــــــــــى وينما أنتصرنا
خذلنا الأمانة الصــــــــــــــــــــح ماأدينا
ولما طلبتــــــــــــــــــى نسندوا بظهرنا
لقيتى الغريب ف حضــــــــــــــــننا دفينا
يالله لطفك يامجــــــــــــــــــــيب أسترنا
منا الخطايا ياعلـــــــــــــــــــــيم أخطينا
لاتعودها العراق لاتقــــــــــــــــــــــــبرنا
لاتنقلب لبلاد أنـــــــــــــــــــــــــــجامينا