وشن ناقصك غير العباء والشنه .. شيخ ليبيا وليت فينا ومنّا

الشاعر باسط الطنطاني قال :
وشن ناقصك غير العباء والشنه .. شيخ ليبيا وليت فينا ومنّا
رد الشاعر امير بوغراره :
كبير مشايخ
مشوخينك وانت عليهم شايخ
كايخ و ردحولك نصيب كوايخ
من قبل ليهم فيه شن و رنه
ان كان كيفهم تحساب تبقي دايخ
تريس ليبيا انشد الناتو عنه
خايضين في سوقه نصيب طبايخ
خاسرين لكن رابحين الجنه
رد الشاعر طارق قرضاب :
ماناقصاتك حاجة
عباية مع كبوس صرت خواجة
هذا شيخنا ومانقبلوش احراجة
يحكم بعقله مش بدين وسُنة
سير بيه كي ماتريد ماتتقاجة
بمن يعترض قالوا يموت اجعنا
على وطن بينا كاثرات اعواجة
ولا من نشد هالوطن خيرة كنا
من يوم ماغيّب عليه علاجة
يارب تجعل منزله فالجنة

اليوم الشنة ... وبكره عروس منقرشه بالحنة ... الخير جايك مالشرق

حمدي محمد محمد
حمدي محمد محمد
ﻧﻠﻘﻨﻚ ﻛﺒﻴﺮ ﻛﺒﻴﺮ .... ﻳﺎﻛﻮﺑﻠﺮ ﻓﻲ ﺍﻟﻮﻃﻦ ﻭﻳﺶ ﺍﻳﺴﻴﺮ ..ﺑﻌﺪ ﺩﺭﺕ ﺣﺘﻰ ﺷﻨﻪ .... ﻳﺎﻛﻮﺑﻠﺮ ﻳﺎﻏﺎﺯﻱ ... ﺑﻌﺪ ﺩﺭﺕ ﺷﻨﻪ ﻭﺷﻔﺘﻬﺎ ﺑﻨﻐﺎﺯﻱ ... ﺯﻋﻢ ﺗﻜﻮﻥ ﻭﻟﺪ ﻓﻨﻄﺎﺯﻱ ... ﻭﻟﻴﻪ ﺷﻨﻪ ﻭﺭﻧﻪ ..... ﻭﺑﺎﻟﺮﺯ ﺷﺎﺑﻊ ﻓﻲ ﻏﻴﺒﺘﻪ ﻳﺎﺣﻨﻪ ...... ﻧﻠﻘﺎﻧﻚ ﻫﻴﺪﻭﻕ ....ﺑﻌﺪ ﻣﺎﻧﺒﻄﺢ ﻭﻟﺪ ﻣﻌﺘﻮﻕ ... ﻣﻌﻴﺘﻖ ﺑﺎﻉ ﺍﻟﻮﻃﻦ .... ﻋﻠﻰ ﺍﻟﻠﻪ ... ﺍﻻﻳﺎﻡ ﺍﺩﻭﺭ ﺗﺮﻭﻕ ... ﻭﻧﺴﻤﻊ ﺧﺒﺮﻛﻢ ﺍﻟﺰﻭﺯ ﺍﺟﻌﻠﻨﻪ ...ﻓﻨﻄﺎﺯﻱ ﻭﻟﺪ ﻏﺎﺯﻱ ... ﻧﺨﺎﺳﺔ ﺳﻮﻕ ...ﻳﺮﺗﻊ ﺑﻴﻦ ﺍﻟﺠﻮﺍﺭﻱ ﻻﺑﺲ ﺷﻨﻪ ؟؟؟؟؟ ......ﻭﺣﺘﻰ ﺍﻧﻜﺎﻥ ﺑﺎﻟﺮﺫﻳﻠﻪ ﺍﻧﺖ ﺍﻟﻠﻲ ﻣﻘﺼﻮﺩ ..... ﻭﻗﺎﺻﺪ ﻣﻌﺎﻙ ﺻﺎﻟﺢ ﺍﻟﻠﻲ ﻳﺎﺭﻳﺖ ﺟﻴﺒﺎﺕ ﻣﺎﺟﺒﻨﻪ ..... ﺫﻟﻴﻞ ﺍﻟﻮﻃﻦ ...ﺷﻠﻘﻢ ﻣﻊ ﺍﻟﻴﻬﻮﺩ ...ﺭﺳﻢ ﺩﻣﻌﺘﻪ ﻭﻓﻲ ﺍﺣﻀﺎﻧﻬﺎ ﺍﻟﻜﻮﻧﺘﻴﺴﺎ ﺣﻄﻨﻪ ....... ﻭﻟﻮﻝﺍ ﺍﻟﻨﺎﺗﻮ ﻣﺎﺭﻗﺪﻧﺎ ﻟﺤﻮﺩ ... ﺭﺍﻧﺎ ﺍﻋﻈﺎﻣﻜﻢ ﻛﻤﻠﻨﺎ ....ﻻﺗﺠﻴﻨﺎ ﻭﻻ ﺗﻠﺒﺲ ﺍﻟﻠﻲ ﻣﻘﺼﻮﺩ ﻭﻻﺗﻌﺮﻑ ﻟﺒﺎﺳﻬﺎ ﺍﻟﻤﻌﺮﻗﻪ ﻻﺷﻨﻪ ..... ﺍﻣﻐﻴﺮ ﻧﺪﻋﻲ ﺍﻟﻠﻪ ﺭﺑﻨﺎ ﺍﻟﻤﻮﺟﻮﺩ ...... ﻳﺪﻭﺭ ﺍﻟﻔﻠﻚ ...ﻭﺿﻨﺎﻧﺎ ﺛﺎﺭﻧﺎ ﻳﺮﺩﻧﺎ ....ﻭﺗﺒﻘﻰ ﻃﺎﻳﺢ ﺑﻴﻦ ﺷﺎﻫﺪ ﻭﻣﺸﻬﻮﺩ ...ﻭﻧﺤﻜﻮﺍ ﻋﻠﻰ ﻃﺎﺭﻳﻚ .. ﻭﻣﺎﺻﺎﺭﻟﻨﺎ .... ﻭﻳﺮﺩ ﻧﺼﺎﺏ ﺍﻟﺤﻖ ﻳﻌﻮﺩ ... ﻭﻳﺮﺟﻊ ﺑﻮﻋﺒﺎﺀ ﺭﺑﻲ ﻳﺤﻔﻈﻪ ﻭﻳﺮﺩﻟﻨﺎ .... ﻣﻨﻪ ﻧﺎﺧﺬﻭﺍ ﺍﻟﻤﺸﻮﺭﻩ ﻭﻧﻔﺘﺤﻮﺍ ﺍﻟﺴﺪﻭﺩ .. ﻭﻧﺠﻮﺍ ﺯﺣﻒ ﺳﻴﻞ ﻛﻴﻒ ﻣﺎﻗﺎﻟﻠﻨﺎ .....ﻭﻧﺸﻴﻠﻮﺍ ﺿﻴﻢ ﺍﻟﻈﻠﻢ ﺑﺎﻟﻤﻴﻜﻮﺩ ... ﻭﺍﻟﻈﻼﻡ ﻫﺎﻟﻠﻲ ﻟﻴﻪ ﻭﺻﻠﻨﺎ

ياكوبلر خالت عليك الشنه ..
صكصك طلاق تصير واحد منه

خالت عليك الحمره
وولعت في الكبود جمرة جمره
بعد الفضيل اللي ربط في غمره
كراعه وقال اليوم جت تدنه
يعطوك تلبسها ويمشي دمره
التاريخ الاول موش لازم منه !؟
امغير خش قرعة حج والا عمرة
راي خاربة .. وماعاد فيها بنه
وغني على الموكار وانتي قمره
وابعث عزوزك باك تبي حنه

ياكوبلر خالت عليك الشنه
قربع يمين .. تصير واحد منه

اللهم ارحم كبودنا .. فقد انسحنت