عزيز قوم من سوريا خطفوه - محال يحدث لو قعد بوه

عزيز قوم من سوريا خطفوه - محال يحدث لو قعد بوه
محال تحوموا حوله - هذا فعلكم ماهوش فعل رجوله
انكان الصقر موجود منهو ايطوله
وبعد ان تغيب بوه اللي في بالكم درتوه
عزيز قوم من سوريا خطفوه
عزيز قوم من الاخيار - سلالة نبينا احمد المختار
ليش ياشرادم ياكلاب النار - وجه العزيز بالضرب شوهتوه
وينكم ياعرب لبنان يا احرار - انسيتوا مواقف بوه بومنيار
ونسيتوا بيروت منين فيها النار – كم دعم من ليبيا اخذيتوه
وليش ياسوريا سكتي عللي صار خطف العزيز منك لبسك عار
وليش ما ادخلت يا بشار والا من اجل مصلحه بعتوه
وليش ياهلي يلي تقولوا احرار في اعلامكم ماعاد اذكرتوه
هذا ولدكم ولد بومنيار كيف رضيتوا ف السجن سيبتوه
اخر كلامي سلامي عليكم يا اهل الدار- من صغيركم لكبيركم ياولاد بومنيار – واللي رشكم بالماء الرشوا عليه النار
لما وطنا اردوه
----------
هبوب الريح