إسفاف لأصحاب العقول الخفاف:

- يقول كلنا خضر لكن الان لا للتوريث لعائلة القائد ، وهو يلق للمزفرين من بعض بقايا النظام و اللي معاهم ، ياساذج ماهم حتى هذيم يعتبرو ورثه للأسف ، يعني خليك عادل في غباءك واشملهم كلهم وبلاش تتذاكى علينا.
- يقول سيف شن قدم بيش يحكم ، نقولوله سيف دافع ضريبه بقاءه هنا ، وقت انت دافع الايجار للبيت والسيارة في القاهرة.
- قال احنا تهجرنا وتملحنا ، نقولوله وانت مهجر درت سيارة ومراة وصغار، وسيف دار جهاز قياس ضغط وسكر.
- قال انا اهلي يحولولي في فلوس ، ياغزال الطوابي وسيف يحولولهم في الاخبار المحبطة من تهجير اهله وخطف خوه وتصدع الصف والقبايل والمزايدات الفارغة.
- قال سيف طلع الزنادقة ، باهي ماك انت توا تقوللهم الشيخ فلان وعلان .
- شعب مايطلعوش منه عشرة يتظاهرو على شان الحال المزري ، ويطلعو المئات على شان الريال فاز ، هذا يبي واحد زي غنيوة وشوية فيه يخليه يأذن بالكوري.
- لما يقولولك دكاكين المقاومة انك مثقف وواعي وتمتلك بعد أفق ، ثق وتأكد إنك راكب عالبوكة ياباشا وبيغيرولك الزيت.
- جميع المسؤولين الهاربين نتحداهم لو يطلع دوردة يقدرو يزوروه او يحمدو على سلامته ، لانه عارفين اول كلمة بيقولهالهم من انتم.