الغباء مصيبة ... الفارس الليبي

جبريل متبرية منه قبيلته ومحرمة عليه دخولها . وتلقى واحد في السلماني ولا عين مارة يقولك جبريل وبس وهو هذا اللي بيطلع ليبيا من الغريق ويخلينا أنافسوا في الصين واليابان .
الحاسي متبرية منه قبيلته ومحرم عليه دخول الشرق كله وتلقى واحد من سوق الجمعة وإلا القطرون يقولك الحاسي مافيش منه وعلي يديه حنوصلوا القمر .
ناكر جماعة الزنتان يقولوا ماليه علاقة بينا وهذا فرخ متع حشيش متربي في طرابلس ومش محسوب علينا وتلقى واحد في الماجوري ولا صبراتة يقولك راجل ومناضل وليبيا ماليها إلا ناكر.
غيداء متبرية منها قبيلتها وعائلتها ومحرمين عليها دخولها وتلقى واحد من قصر حمد ولا من تاجوراء يقولك مناضلة وواجهة مشرفة للعمل الوطني .
الدباشي يشتموا فيه قبيلته وعائلته ومحرم عليه دخول مدينته وتلقى واحد في سوسة ولا في بوعطني ولا في قرقارش يقولك راجل وطني وشريف والخير مايجي إلا على يديه .
القماطي يشتموا فيه قبيلته وعائلته وفيه اللي مهدده لو يخشلها وتلقى واحد في طمينة ولا البردي يقولك خبير إستراتيجي ومحلل يلعب فيها على صبعه .
صلاح وادي متبرية منه قبيلته ومحرم عليه دخولها وتلقى واحد في الزاوية ولا في جنزور يقولك بطل وثاير وليبيا بخير مدامه فيها زيه .
...
توا حزمة الكرناف متع فبراير اللي قلنا بعضها على سبيل المثال مالقوا فيهم أهلهم خير بتلقاه أنت فيهم يامتكوبس . توا تعرفوهم أنتم أكثر من أهلهم . بالله أنتم فيكم عقول وتفكروا . ولما تقوللهم تهزوا في روسكم زي السطول . يقولولك أنت زلم وكارهنا ويطلعولك خبراء وعلم يحتحت وقاريين لين طايحة عليهم السبورة . هذا كان ماخشولك في خرافة الثورة الفرنسية والحوريات وليبيا الهدف وإن طال النضال وشدها للصبح تسطريب شعارات من ثلاث محاور .
باهي راجيني ياعمر بغداك لين نجيب الزيت من غريان ... الفارس الليبي

عندما يحدثنا الشمام من حلقة كشك وسط شارع عشرين . ويحدثنا جعودة وهو يتوسط شباب الأهلي في الصابري . ويحدثنا غوقة مع العائلات من منتزه بودزيرة ويجلس مع شباب أرض بلعون . ويحدثنا جبريل وهو يلبس العباءة وسط مشايخ بني وليد . ويحدثنا القماطي من فندق الرابطة بتغسات . ويحدثنا زيدان وهو يلبس البدلة العربية من إحدى أعراس هون . ويحدثنا المقريف من وسط حلقة الشعراء في إجدابيا . ويحدثنا الأمين من وسط مزارع طمينة . ويحدثنا دوغة وهو يأكل البسيسة في جادو . ويحدثنا الترهوني من وسط مزارع الزيتون بالقصيعة والخضراء . ويحدثنا ناكر من وسط سوق أبوسليم . ويحدثنا الدباشي من مصيف تليل بصبراته . ويحدثنا شلقم من وسط عرض للمهاري في مرزق . ويحدثنا بوشاقور وهو يتناول البازين وسط أهالي غريان . ويحدثنا العلاقي من وسط طلبة المدارس بأثار صبراتة .
...
وعندما نرى أنه بإستطاعة أي نائب أو وزير أن يعود لبيته بعد إنتهاء الدوام الرسمي بدون أي حراسة مشددة بدل السفر لمصر . ويستطيع مساء أن يتجول في الأسواق الشعبية مع عائلته بدل أن يقبع في أجنحة دار السلام . ويستطيع أن يسافر برا ليقدم التعازي في مدينة بأقصي الغرب أو الجنوب بدل أن يرسلها بالفيسبوك والتويتر .
...
عندها فقط قد سنستمع لكم . ولشعاراتكم . ولديمقراطيتكم . ولمشاريعكم .
لكن أن تظلوا هاربين في أوكاركم بأوروبا وأمريكا والخليج بعد أن أقسمتم بأغلظ الإيمان بأن ليبيا بعد النظام الجماهيري ستكون جنة موعودة وأبراج شاهقة وحياة رفاهية بخبراتكم التي حاربها النظام . وذكائكم ومواهبكم التي طمسها النظام . وخططكم الإستراتيجية في الإقتصاد والسياسة والتى لم نرى منها إلا التل والسلطات العليا ودستور المدن المنتصرة وفضائح الرشاوي وهتك الأعراض وعصابات الخطف والخمور والهلوسة .
وأن تظلوا تنعمون بسرقاتكم وعقودكم ومكافئاتكم وتنصبون أنفسكم أوصياء على الليبيين في كل حوار أو نقاش أو مبادرة أو تحليل أو معركة . بينما أبناء الليبيين بكل إنتماءاتهم يسقطون ضحايا يوميا جراء تحريضكم وهرطقاتكم وكذبكم .
فهذا هراء وسخف لن يصغي له إلا فاقدي العقول والضمائر والمجانين والأغبياء ... الفارس الليبي