ﻫﻠﻮﺳﺎﺕ ﻟﻴﺒﻲ .

من طرف المهاجر الليبي السبت فبراير 21, 2015 4:54 pm

ﺍﻟﻜﺬﺍﺏ ﺑﻴﺮﻭﺡ ﺍﻟﻨﺎﺭ .. ﺑﻴﺶ ﻣﺎ ﺗﻘﻮﻟﻮﺵ ﻧﻜﺬﺑﻮﺍ ﻋﻠﻴﻜﻢ .
ﻗﺒﻞ ﻓﺒﺮﺍﻳﺮ 2011 ﻛﺎﻥ ﻟﻮﻧﻬﺎ ﺃﺧﻀﺮ ﺻﺎﺩﺓ ﺷﺒﺤﺘﻬﺎ ﺗﺮﺩ ﻓﻴﻚ ﺍﻟﺮﻭﺡ . ﺩﺧﻠﺘﻮﺍ ﻋﻠﻴﻬﺎ ﺍﻻﺳﻮﺩ ﻭﺍﻻﺣﻤﺮ !!
ﻭﻓﻌﻼً ﺍﻟﻠﻴﺒﻴﻴﻦ ﺷﺒﺤﻮﺍ ﺍﻟﺴﻮﺍﺩ ﻓﻲ ﺭﺍﻳﺎﺕ ﺍﻟﺘﻜﻔﻴﺮﻳﻴﻦ ﻭﻓﻲ ﻟﻮﻥ ﺍﻟﻐﻨﺞ ﻣﺘﺎﻉ ﺍﻟﻤﻤﺘﻠﻜﺎﺕ ﺍﻟﻤﺤﺮﻭﻗﺔ ﻭﻓﻲ ﺩﺧﺎﻥ ﺍﻻﻃﺎﺭﺍﺕ ﻭﺍﻟﻨﻔﻂ ﺍﻟﻤﺤﺮﻭﻕ !! ﻭﺃﺳﻮﺩﺕ ﺍﻟﺪﻧﻴﺎ ﻓﻲ ﻭﺟﻬﻬﻢ ﻭﺃﺳﻮﺩﺕ ﻗﻠﻮﺑﻬﻢ ﻋﻠﻰ ﺑﻌﺾ !!
ﻭﺍﻟﻠﻮﻥ ﺍﻻﺣﻤﺮ ﺷﺎﻓﻮﻩ ﻓﻲ ﻟﻮﻥ ﺍﻟﺮﺻﺎﺹ ﻭﻓﻲ ﻟﻮﻥ ﺍﻟﺪﻡ ﻭﻓﻲ ﺍﻟﺴﺤﺐ ﻣﻦ ﺍﻟﻤﺼﺎﺭﻑ !!
ﻣﺼﺎﺭﺵ ﻣﻦ ﺩﺑﻲ ﻭﻣﻦ ﺍﻟﻌﺸﺮﺓ ﺍﻻﻑ ﺟﻨﻲ !! ﻏﻴﺮ ﺃﻋﻄﻮﺍ ﺍﻟﻨﺎﺱ ﺍﻟــ 400 ﺟﻨﻲ ﺍﻟﻠﻲ ﻛﺎﻥ ﺍﻣﺪﺍﻳﺮﻫﻠﻬﻢ ﺍﻟﺸﻴﺒﺎﻧﻲ ﺍﻟﻠﻪ ﻳﺮﺣﻤﻪ !!
ﻭﻣﺼﺎﺭﺵ ﻣﻦ ﻟﻴﺒﻴﺎ ﻗﺒﻴﻠﺔ ﻭﺍﺣﺪﺓ !! ﺻﺒﺤﺖ ﻣﻘﺴﻤﺔ ﺯﻱ ﺣﻮﺍﺯﺓ ﺍﻟﺪﻻﻉ ﺳﻴﻠﻜﻮﺍﺕ ﺳﻴﻠﻜﻮﺍﺕ !!
ﻭﻣﺼﺎﺭﺵ ﻣﻦ ﺍﻟﺘﻜﻨﻮﻗﺮﺍﻁ !! ﺻﺒﺤﺖ ﺯﻱ ﺭﻛﺎﺑﺔ ﺍﻟﺠﻤﻌﻴﺔ ﻛﻠﻬﺎ ﻣﻘﻌﻤﺰﺓ ﻋﻠﻴﻬﺎ !!
ﻭﻣﺼﺎﺭﺵ ﻣﻦ ﺍﻟﺜﻮﺭﺓ ﻟﻠﺪﻭﻟﺔ !! ﺻﺒﺤﺖ ﺯﻱ ﻃﻮﺑﻮ ﺍﻟﻘﻮﻣﻴﺴﺘﻲ ﺍﻟﻠﻲ ﻳﺠﻲ ﻳﻨﻔﺦ !!
ﻭﻣﺼﺎﺭﺵ ﻣﻦ ﻛﺮﺍﻣﺔ ﺍﻟﻤﻮﺍﻃﻦ !! ﺻﺒﺢ ﺍﻟﻤﻮﺍﻃﻦ ﺯﻱ ﺟﺮﺱ ﺍﻻﺳﺘﺮﺍﺣﺔ ﺍﺷﺒح ﻣﻦ ﻳﻀﺮﺑﻪ !!
ﻟﻴﺒﻴﺎ ﺑﻔﻀﻞ ﻓﺒﺮﺍﻳﺮ ﺍﻟﻠﻌﻴﻨﺔ ﻧﺎﻗﺼﻬﺎ ﺍﻟﺘﻌﻠﻴﻖ ﺑﺲ ﻭﺍﺗﻴﺔ !! ﻣﺬﺑﻮﺣﺔ ﻭﻣﻨﻔﻮﺧﺔ ﻭ ﻣﺴﻠﻮﺧﺔ !!
ﻭﺍﻟﻠﻴﺒﻴﻴﻦ ﺑﻔﻀﻞ ﻓﺒﺮﺍﻳﺮ ﺍﻟﻠﻌﻴﻨﺔ ﺃﺻﺒﺤﻮﺍ ﺯﻱ ﺩﺟﺎﺝ ﺍﻟﻔﻘﺎﺻﺎﺕ ﻳﺮﻗﺪﻭﺍ ﺍﻟﻤﻐﺮﺏ ﻭﻳﻨﻮﺿﻮﺍ ﺍﻟﺼﺒﺢ ﻭﻭﻳﺄﻛﻠﻮﺍ ﺍﻟﻠﻲ ﻳﺠﻲ ﻭﻣﺮﺍﺕ ﻳﻮﻗﻔﻮﺍ ﻋﻠﻰ ﺭﺟﻞ ﻭﺣﺪﺓ ﻭﺍﻟﺴﻤﻴﻦ ﻳﻤﺸﻲ ﻟﻠﺬﺑﺢ ﻭﺍﻟﻀﻌﻴﻒ ﺍﻳﺮﻳﺸﻴﻮﻩ ﺧﻮﺗﻪ ﻭﻛﻞ ﻳﻮﻡ ﻳﻤﻮﺕ ﺍﻟﻌﺸﺮﺍﺕ !!
ﻭﺍﻟﻠﻲ ﻣﻜﺬﺑﻨﺎ ﻳﻔﺘﺢ ﻋﻠﻰ ﺍﻱ ﻣﺤﻄﺔ ﻟﻴﺒﻴﺔ ﺗﻌﺠﺒﻪ ﻭﻳﺘﻔﺮﺝ ﺳﺎﻋﺔ ﺑﺲ !!
ﺍﻟﻤﺠﺪ ﻟﻠﺘﺮﻳﺲ ﺍﻟﻤﻴﺘﺔ ﻭﺍﻟﻤﺤﺒﻮﺳﺔ
ﻭﺍﻟﻌﺎﺭ ﻟﻠﻲ ﻳﺸﻮﻑ ﻓﻲ ﺭﻭﺣﻪ ﻓﻲ ﺍﻟﻤﺮﺍﻳﺎ ﻭﻭﻧﻨﺼﺤﻪ ﻳﺴﻤﻊ ﺃﻏﻨﻴﺔ ﻋﺒﺪ ﺍﻟﺒﺎﺳﻂ ﺣﻤﻮﺩﺓ ﺃﻧﺎ ﻣﺶ ﻋﺎﺭﻓﻨﻲ .. ﺃﻧﺎ ﻣﺶ ﺃﻧﺎ .
ﻭﺳﺎﻣﺤﻮﻧﻲ ( ﻧﻬﻠﻮﺱ ) ﺧﻮﻛﻢ ﻛﻼﻡ ﻋﺮﺏ